Ortalyq Azııany biriktiretin «Zhibek Zholy» týrıstik poıyzy naýryzda saparǵa shyǵady

ASTANA. KAZINFORM — Ortalyq Azııada Qazaqstan Respýblıkasyn, Ózbekstan Respýblıkasyn jáne Tájikstan Respýblıkasyn birtutas transshekaralyq baǵyt aıasyna biriktiretin «Zhibek Zholy» halyqaralyq týrıstik poıyzy jobasy jalǵasady, dep habarlaıdy Týrızm ındýstrııasy komıteti.

Jobanyń kezekti kezeńin iske asyrý 2026 jylǵy 20–25 naýryz aralyǵyna josparlanǵan.

— Sapar Uly Jibek jolynyń tarıhı baǵytymen ótip, Almaty — Túrkistan — Samarqand — Dýshanbe — Tashkent — Almaty qalalaryn qamtıdy. Joba óńirdiń negizgi tarıhı-mádenı jáne rýhanı ortalyqtarymen tanysýdy kózdeıdi, sondaı-aq memleketaralyq týrıstik yntymaqtastyqty damytýǵa jáne turaqty transshekaralyq týrıstik marshrýttardy qalyptastyrýǵa baǵyttalǵan, — delingen komıtet habarlamasynda.

Marshrýt aıasynda qatysýshylar túrki áleminiń rýhanı ordasy — Túrkistan qalasyna, ıslam órkenıetiniń mańyzdy tarıhı ortalyqtarynyń biri — Samarqandqa, baı mádenı murasy bar astana — Dýshanbe qalasyna, sondaı-aq óńirdegi iri ákimshilik ári týrıstik ortalyq sanalatyn Tashkentke sapar shegedi. Baǵdarlamada ekskýrsııalyq qyzmet kórsetý, tarıhı-mádenı mura nysandaryn aralaý jáne marshrýtqa qatysýshy elderdiń dástúrlerin tanytatyn mádenı is-sharalar ótkizý qarastyrylǵan.

Buǵan deıin Astana Eýropanyń qoljetimdi týrızm jelisine resmı túrde qosylǵanyn jazǵan edik.