Ortalyq Azııadaǵy jabaıy faýna men florany saqtaýǵa baǵyttalǵan deklaratsııa qabyldandy
SAMARQAND. KAZINFORM — Qazaqstan, Ózbekstan, Qyrǵyzstan jáne Tájikstannyń ekologııa mınıstrleri Ortalyq Azııadaǵy jabaıy faýna men florany saqtaý jónindegi deklaratsııaǵa qol qoıdy, dep habarlaıdy Kazinform agenttiginiń menshikti tilshisi.
Atalǵan qujat Samarqandta ótken CITES taraptarynyń 20-shy konferentsııasy aıasynda qabyldandy.
Dekalaratsııada tabıǵatty qorǵaý vedomstvolary, keden jáne quqyq qorǵaý organdary, sondaı-aq sot qurylymdary arasyndaǵy úılestirý jumystaryn nyǵaıtý josparlary qamtylǵan. Buǵan qosa, memleketter jabaıy flora men faýnany saqtaý maqsatynda monıtorıngtik toptar qurýǵa ýaǵdalasty.
Munymen birge, konferentsııa barysynda taraptar jedel aqparat almasý jáne shekara mańyndaǵy aýmaqtarda yntymaqtastyqty kúsheıtý múmkindikterin talqylady.
Qosa ketsek, buǵan deıin Ózbekstanda engizilgen moratorııge qaramastan, zańsyz aǵash kesý áreketteri tyıylmaı turǵanyn jazyp edik.
Sondaı-aq, Ózbekstan Qazaqstannan 500 kıik alý boıynsha kelissóz júrgizip jatqanyn habarlaǵan bolatynbyz. Keıin QR Ekologııa mınıstrligi bul másele tıisti deńgeıde sheshim qabyldaýdy talap etetinin málim etti.