Ortalyq Azııadaǵy eń ásem qala anyqtaldy

ASTANA. KAZINFORM — Oxford Economics Global Cities Index 2025 reıtıngi boıynsha Almaty Ortalyq Azııadaǵy eń úzdik qala atandy.

Oxford Economics — ekonomıkalyq keńes beretin táýelsiz kompanııa.

Kompanııanyń 2025 jylǵy jańartylǵan jahandyq qalalar ındeksi boıynsha qurylymdyq kúshi, múmkindikteri joǵary qalalar baǵalandy. Baǵalaý bes sanattaǵy birqatar kórsetkish boıynsha júrgizildi: ekonomıka, adamı kapıtal, ómir sapasy, ekologııa jáne basqarý.

Dúnıe júzindegi 1000 qalanyń tiziminde Almaty 258-shi orynda tur. Sonymen qatar, adamı kapıtal sanatynda 64-shi orynǵa ıe boldy. Bul rette ońtústik astana Ortalyq Azııada birinshi orynda tur.

Astana men Shymkent qalalary da reıtıngke enip, sáıkesinshe 276 jáne 534-oryndarǵa ornalasty.

Ortalyq Azııa qalalary

• Almaty qalasy 258-oryn
• Astana 276-oryn
• Tashkent 471-oryn
• Bishkek 498-oryn
• Shymkent 534-oryn
• Ashhabad 623-oryn
• Dýshanbe 683-oryn

Úzdik ondyq

AQSh-tyń bes qalasy álemdegi úzdik on qalanyń qataryna endi.

• Nıý-Iork
• London
• Parıj
• San-Hose
• Sıetl
• Melbýrn
• Sıdneı
• Boston
• Tokıo
• San-Frantsısko

Osyǵan deıin Almatynyń jańa ákimi qala turǵyndaryna úndeý jasaǵanyn jazdyq.