Ortalyq Azııadaǵy elektr qýatyn ózara almasý sý salasyndaǵy turaqtylyqqa kepildik beredi – A.Sátqalıev
ASTANA. KAZINFORM – Energetıka mınıstri Almasadam Sátqalıev Ortalyq Azııa elderi jáne Ázerbaıjan energetıka mınıstrleriniń kezdesýinde óńirdegi energetıkalyq turaqtylyqty sý resýrstaryn birlesip basqarý máselesinen bólip qaraýǵa bolmaıtynyn meńzedi.
«Qurmetti áriptester, ásirese, sý-energetıkalyq resýrstardyń turaqtylyǵyn qamtamasyz etý baǵytynda qol jetkizgen shynaıy jetistikterge nazar aýdarýlaryńyzdy suraımyn. ıAǵnı, bizdiń birlesip, kelise otyryp atqarǵan jumysymyz bizdegi energetıkalyq júıelerdi ózara rezervteýge, avarııalyq rejımderde, elektr qýatyn tutynýdyń sharyqtaý shekterinde qajetti mólsherdi jetkizýge ǵana múmkindik berip qoımaıdy. Sondaı-aq, óńirdiń aýylsharýashylyq taýar óndirýshilerine qajetti sýdy ýaqytynda qamtamasyz etý úshin qaýipsiz jınaqtaýǵa múmkindik beredi», - dedi ol.
Sondaı-aq, mınıstr álemdegi geosaıası týrbýlenttilik Ortalyq Azııa elderiniń arasyndaǵy energetıkalyq qaýipsizdikti de synaqtan ótkerip jatqanyn atap ótti.
