Ortalyq Azııada «Birtutas densaýlyq» baǵdarlamasy iske asyrylyp jatyr
ASTANA. KAZINFORM – Ortalyq Azııada «Birtutas densaýlyq» óńirlik baǵdarlamasy júzege asyrylyp jatyr. Bul týraly Ortalyq Azııanyń óńirlik ekologııalyq ortalyǵynyń (OAEO) atqarýshy dırektory Batyr Mamedov málimdedi.
Onyń aıtýynsha, bastama klımattyq táýekelder kúsheıgen jaǵdaıda adam, janýar jáne ekojúıe densaýlyǵyn keshendi qorǵaýǵa baǵyttalǵan.
– «Birtutas densaýlyq» – jaı uǵym emes, bul óńirdegi azyq-túlik qaýipsizdigi men epıdemıologııalyq turaqtylyqty qamtamasyz etýdiń negizgi tetigi, - dedi Batyr Mamedov.
Onyń málimetinshe, baǵdarlama 2025 jyldyń shildesinde iske qosylǵan. Ol pandemııalardyń aldyn alý, azyq-túlik júıesiniń turaqtylyǵyn qamtamasyz etý jáne ekojúıelerdiń saýlyǵyn saqtaý baǵyttaryn qamtıdy.
Joba aıasynda Qazaqstan, Qyrǵyzstan, Tájikstan, Túrikmenstan jáne Ózbekstan úshin ortaq monıtorıng jáne qaýip-qaterlerge jedel áreket etý júıesin qalyptastyrý kózdelgen. Negizgi baǵyttar – zoonozdyq ınfektsııalar, mıkrobtarǵa tózimdilik jáne azyq-túlik qaýipsizdigi.
Aıta keteıik, buǵan deıin óńirlik ekologııalyq sammıtte Kaspıı teńizi máselesi kóterilgenin jazǵanbyz.
