Ortalyq Azııada benzın baǵasy eń qymbat el – Ózbekstan
ASTANA. KAZINFORM – Ortalyq Azııa memleketteri arasynda eń qymbat benzın Ózbekstanda satylady. Ásirese, Aı-95 baǵasy sharyqtap tur. Bul jóninde ártúrli elderdegi janarmaı baǵasyn baqylap otyratyn GlobalPetrolPrices portaly habarlady.
13 shildedegi jaǵdaı boıynsha, Ózbekstanda 1 lıtr benzınniń ortasha baǵasy – 1,340 dollar. Bul álemdik ortasha baǵadan (lıtrine 1,47 dollar) tómen bolǵanmen, TMD jáne aımaqtaǵy basqa da memleketterdegi baǵadan aıtarlyqtaı joǵary.
Salystyrý úshin aıtalyq, Túrikmenstanda benzınniń lıtri nebári 0,43 dollar, ıaǵnı dúnıe júzindegi eń arzan baǵalardyń biri. Bul kórsetkish Ázerbaıjanda – 0,676 dollar, Qazaqstanda – 0,687 dollar, Reseıde – 0,924 dollar, Belarýste – 0,936 dollar, Qyrǵyzstanda – 1,016 dollar, al Aýǵanstanda – 1,168 dollar.
Álemdegi eń arzan janarmaı Lıvanda (0,023 dollar), Iranda (0,029 dollar) jáne Venesýelada (0,035 dollar) tirkelgen. Al benzın baǵasy eń joǵary elderdiń qatarynda Gonkong (4,062 dollar), Malavı, Danııa, Izraıl, Nıderland, Fınlıandııa, Germanııa, Lıhtenshteın, Sıngapýr jáne Shveıtsarııa (2,265 dollar) bar.
Aıta keteıik, buǵan deıin Qazaqstanda benzın, dızel jáne avtogaz baǵasy qansha ekenin jazǵanbyz.
