Ortalyq Azııada barshamyzǵa tıimdi kólik-logıstıka júıesin qalyptastyra alamyz - Toqaev

Prezıdent Qasym-Jomart Toqaev Ortalyq Azııada barshamyzǵa tıimdi zamanaýı kólik-logıstıka júıesin qalyptastyra alamyzdy málimdedi.

Bul týraly Memleket basshysy Halyqaralyq beıbitshilik jáne senim jylyna, Halyqaralyq beıtaraptyq kúni men Túrikmenstannyń turaqty beıtaraptyǵynyń 30 jyldyǵyna arnalǵan forýmda aıtty.

– Qazaqstan Transkaspıı halyqaralyq kólik baǵdarynyń múmkindikterin tıisti deńgeıde keńeıtip, temirjol, port, avtojol ınfraqurylymyn jańǵyrtyp jatyr. Osylaısha, birtutas transport júıesin qalyptastyrýǵa kiristi. Elimiz Ortalyq Azııanyń kólik júıesin damytýdyń keshendi strategııasyn ázirleýge belsendi atsalysýda. Maqsatymyz – ornyqty logıstıka baǵyttaryn tolyq iske qosý. Reseı, Qytaı, Iran, Túrkııa, Ázerbaıjan, Armenııa, Grýzııa jáne basqa da múddeli memlekettermen tyǵyz yntymaqtastyq ornatyp, birlesken kúsh-jiger arqyly tutas Eýrazııa keńistiginde barshamyzǵa tıimdi zamanaýı kólik-logıstıka júıesin qalyptastyra alamyz, - dedi Qasym-Jomart Toqaev.

Aıta keteıik, osy jıynda Prezıdent BUU quramynda Halyqaralyq sý uıymyn qurýdy usyndy.