Ortalyq Azııa jastary tsıfrlyq genderlik zorlyq-zombylyqqa qarsy óz sheshimderin usyndy
ASTANA. KAZINFORM — Astanada «Genderlik zorlyq-zombylyqqa qarsy belsendi is-qımyldyń 16 kúni» naýqany aıasynda Qazaqstan, Qyrǵyzstan, Tájikstan, Túrikmenstan jáne Ózbekstannan kelgen 30 stýdent ınternet pen bilim berý ortasyn barshaǵa qaýipsiz etýge baǵyttalǵan jobalaryn tanystyrdy.
— 25 qarashadan bastap respýblıkada genderlik zorlyq-zombylyqqa, onyń ishinde tsıfrlyq keńistiktegi zorlyq-zombylyqqa qarsy arnaıy naýqan ótip jatyr. «Jastar tsıfrlyq genderlik zorlyqqa qarsy» taqyrybyndaǵy Ortalyq Azııa keıs-chempıonat sonyń jalǵasy. Bes elden kelgen jastar óz kózqarasyn, óz sheshimderin usynyp, naqty keıster men strategııa jasaýdy úırenip jatyr, — dedi QR ІІM Basqarý akademııasynyń doktoranty, Komıssııa múshesi Gúlmıra Shrahmetova.
Ol bul chempıonattyń jyl saıyn dástúrli túrde BUU-Áıelder qurylymynyń qoldaýymen uıymdastyrylatynyn atap ótti.
Fınalda usynylǵan jobalardyń biri Túrikmenstannan kelgen komandaǵa tıesili. Injenerlik-tehnologııalyq ýnıversıtettiń stýdenti Aısultan Esenova olardyń ıdeıasy keshendi tásilge negizdelgenin aıtty.
— Biz ázirlep jatqan telegram-botqa qyz-kelinshekter júginip, psıhologterdiń kómegin, áreket etý jónindegi keńesterdi nemese zańgerlerdiń baılanysyn ala alady. Osy jobany mektepter men ýnıversıtetterde engizýdi usynamyz. Keıin bul qujattardy tıisti mınıstrliktermen kelistirý qajet, — dedi ol.
Aısultannyń aıtýynsha, joba áli synamaly kezeńinde, biraq komanda onyń mektep oqýshylarynan bastap, aımaq turǵyndaryna deıin qoljetimdi quralǵa aınalýyn kózdep otyr.
Іs-shara BUU Damý baǵdarlamasynyń óńirlik bastamasy aıasynda ıÝNFPA, DDSU, «BUU-áıelder» qurylymy jáne BUU Balalar qory (ıÝNISEF) birlese uıymdastyryldy.
Aıta keteıik, elordalyqtar genderlik zorlyq-zombylyq boıynsha tegin keńes ala alatynyn jazǵan edik.