«Ortalyq Azııa + Japonııa» dıalogyna nazar aýdarylady
ASTANA. KAZINFORM – Qazaqstan Respýblıkasy Syrtqy ister mınıstriniń orynbasary Álibek Baqaev Japonııa SІM Ortalyq Azııa jónindegi Arnaıy ókili, Elshi Masakı Ikegamımen kezdesti - dep habarlady Qazaqstan Respýblıkasy Syrtqy ister mınıstrliginiń baspasóz qyzmeti.
Kezdesý barysynda saıası, saýda-ekonomıkalyq jáne ınvestıtsııalyq salalardaǵy ekijaqty yntymaqtastyqtyń túrli aspektileri, sondaı-aq kópjaqty formattaǵy ózara yqpaldastyq máseleleri talqylandy.
Suhbattasýshylar jan-jaqty yntymaqtastyqty damytýǵa qosymsha serpin beretin bıik jáne joǵary deńgeılerdegi saparlarmen almasý mańyzdylyǵyna toqtaldy. Aǵymdaǵy jyly ótetin birlesken is-sharalardyń kún tártibine, onyń ishinde «Ortalyq Azııa + Japonııa» dıalogy aıasyndaǵy máselelerge erekshe nazar aýdaryldy.
Taraptar jasyl ekonomıka, tsıfrlandyrý, kólik jáne logıstıka sııaqty salalardaǵy ınvestıtsııalyq yntymaqtastyqty ártaraptandyrýǵa basa nazar aýdarýdy jalǵastyratyny týraly ýaǵdalasty.
Anyqtama: Japonııa 1993 jyldan beri jalpy ınvestıtsııa kólemi 7,8 mlrd. dollardan asatyn Qazaqstan ekonomıkasyna iri sheteldik ınvestorlardyń biri. Eki el arasyndaǵy ekijaqty taýar aınalymy 2023 jyly 2,1 mlrd AQSh dollaryn qurady.
