Ortalyq Azııa elderiniń prezıdentteri UIM F1H2O álem chempıonatynyń gran-prı kezeńiniń ashylý saltanatyna qatysty
ASTANA. KAZINFORM — Memleket basshysy Qasym-Jomart Toqaev pen Ortalyq Azııa elderiniń basshylary chempıonatqa qatysýshylarmen áńgimelesip, olarǵa sáttilik tiledi. Qazaqstan, Qyrǵyzstan, Tájikstan jáne Ózbekstan prezıdentterine sýdaǵy jarystarǵa arnalǵan bolıd tanystyryldy.
Aqordanyń baspasóz qyzmetiniń habarlaýynsha, budan soń Ortalyq Azııa memleketteriniń kóshbasshylary bir mezgilde sımvolıkalyq tetikti basyp, sý-motorly sporttan UIM F1H2O álem chempıonatynyń «Qyrǵyzstan Respýblıkasy — Ystyqkól 2026 gran-prı» kezeńin resmı túrde ashty.
Jarystarǵa BAÁ, Aýstralııa, Kanada jáne basqa elderdiń namysyn qorǵaıtyn 8 komanda men 18 sportshy qatysyp jatyr.
Qyrǵyzstanda alǵash ret ótkizilip jatqan saıys respýblıka tarıhyndaǵy eń iri halyqaralyq sporttyq-mádenı is-shara sanalady.
Eske salaıyq, buǵan deıin Memleket basshysy Ortalyq Azııa jáne Ázerbaıjan memleketteri basshylarynyń beıresmı Konsýltatıvtik kezdesýine qatysý úshin Sholpan-Ataǵa barǵanyn habarlaǵan edik.
