Ortalyq Azııa men Shyǵanaqtaǵy arab elderiniń sammıti keıinge qaldyryldy
TAShKENT. KAZINFORM — Bıyl 5 mamyrda Samarqand qalasynda ótýi tıis bolǵan «Ortalyq Azııa — Shyǵanaqtaǵy arab memleketteriniń yntymaqtastyǵy keńesiniń» ekinshi sammıti keıinge qaldyryldy, dep habarlaıdy Kazinform agenttiginiń menshikti tilshisi.
Aqpartty Ózbekstannyń Syrtqy ister mınıstrligi rastady.
— Taraptar ózara konsýltatsııa negizinde jańa merzimdi belgileý boıynsha jumys istep jatyr. Sammıttiń ýaqyty men oǵan qatysty ózge de málimetter keıin habarlanady, — dep málim etti Syrtqy ister mınıstrliginen.
Іs-sharaǵa Parsy shyǵanaǵyndaǵy 6 arab memleketiniń, atap aıtqanda Saýd Arabııasy Koroldigi, BAÁ, Kýveıt, Bahreın, Oman, Qatar jáne Ortalyq Azııa elderi memleket basshylarynyń qatysýy josparlanǵan. Sammıtke Ózbekstan prezıdenti Shavkat Mırzıeev tóraǵalyq etýi tıis bolǵan.
Eske sala keteıik, «Ortalyq Azııa — Shyǵanaqtaǵy arab memleketteriniń yntymaqtastyǵy keńesiniń» birinshi sammıti 2023 jyldyń shildesinde Saýd Arabııasy Koroldiginiń Jıdda qalasynda ótken bolatyn. Onyń barasynda Memleket basshysy Qasym-Jomart Toqaev jahandyq ornyqty damý máselesi tóńireginde birqatar mańyzdy bastama kóterdi.