Ortalyq Azııa men Shyǵanaqtaǵy arab elderiniń ekinshi sammıti 5 mamyrda ótedi
TAShKENT. KAZINFORM — «Ortalyq Azııa — Shyǵanaqtaǵy arab memleketteriniń yntymaqtastyǵy keńesiniń» ekinshi sammıti 5 mamyrda Samarqand qalasynda ótedi, dep habarlaıdy Kazinform agenttiginiń menshikti tilshisi.
Іs-sharaǵa Parsy shyǵanaǵyndaǵy 6 arab memleketiniń, atap aıtqanda Saýd Arabııasy, BAÁ, Kýveıt, Bahreın, Oman, Qatar jáne Ortalyq Azııa elderiniń memleket basshylary qatysady. Sammıtke Ózbekstan prezıdenti Shavkat Mırzıeev tóraǵalyq etedi.
Eske sala keteıik, «Ortalyq Azııa — Shyǵanaqtaǵy arab memleketteriniń yntymaqtastyǵy keńesiniń» birinshi sammıti 2023 jyldyń shildesinde Saýd Arabııasy Koroldiginiń Jıdda qalasynda ótken bolatyn. Onyń barasynda Memleket basshysy Qasym-Jomart Toqaev jahandyq ornyqty damý máselesi tóńireginde birqatar mańyzdy bastama kóterdi.
Qosa ketsek, 4 sáýirde Ózbekstannyń Samarqand qalasynda «Ortalyq Azııa — Eýropa Odaǵy» formatyndaǵy alǵashqy sammıt ótti. Oǵan Eýropalyq keńes prezıdenti Antonıý Koshta, Eýropalyq komıssııa prezıdenti Ýrsýla fon der Lıaıen jáne Ortalyq Azııa memleketteriniń kóshbasshylary qatysty.