Ortalyq Azııa men Ońtústik Kavkazdyń yntymaqtastyǵy ekonomıkalyq ósimdi qamtamasyz etedi — Masato Kanda
SAMARQAND. KAZINFORM — Ortalyq Azııa men Ońtústik Kavkazdyń yntymaqtastyǵy ekonomıkalyq ósimdi qamtamasyz etetin kúshke ıe. Bul týraly Samarqandta ótip jatqan Azııa damý bankiniń 59-shy otyrysy aıasynda halyqaralyq qarjy uıymynyń prezıdenti Masato Kanda málimdedi, dep habarlaıdy Kazinform agenttiginiń menshikti tilshisi is-shara ornynan.
BAQ ókilderine arnalǵan baspasóz maslıhatynda baıandama jasaǵan Masato Kanda Taıaý Shyǵystaǵy jaǵdaıdyń álem ekonomıkasyna tıgizip jatqan teris áserlerin aıtty.
– Azııa men Tynyq muhıty aımaǵyndaǵy qazirgi ahýalǵa toqtalǵym keledi. Bizdiń óńirge Taıaý Shyǵystaǵy qaqtyǵys qatty áser etti. Birinshi kezekte energetıka sektoryna aýyr soqqy boldy. ıAǵnı, munaı baǵasynyń ósýi jáne ony tasymaldaýdaǵy qıyndyqtar jaǵdaıdy qıyndata tústi. Bul daǵdarys ǵana emes, sonymen birge ol jahandyq kúızelis kezeńi sanalady, - dedi Masato Kanda.
Spıker atap ótkendeı, osy kúrdeli kezeńderde Azııa damý banki Taıaý Shyǵystaǵy qaqtyǵystyń ekonomıkaǵa tıigizetin teris áserin azaıtýǵa járdemdesedi.
Sonymen qatar Masato Kanda Ortalyq Azııa men Ońtústik Kavkaz arasyndaǵy baılanystarǵa erekshe toqtaldy.
– Ońtústik Kavkaz ben Ortalyq Azııanyń yntymaqtastyqty nyǵaıtýy oryndy. Men bul aımaqtardyń ekonomıkalyq ósimdi qamtamasyz etetin kúshke ıe ekenine senimdimin. Azııa damý banki 20 jyldan astam ýaqyt boıy Ortalyq Azııa óńirlik ekonomıkalyq yntymaqtastyq baǵdarlamasy sheńberinde osy elderdiń naryǵyn damytý jáne transshekaralyq saýdany nyǵaıtýǵa qoldaý kórsetip keledi. Bank 2030 jylǵa deıin Ortalyq Azııa óńirlik ekonomıkalyq yntymaqtastyq baǵdarlamasy aıasynda ózara aımaqtyq baılanysty tereńdetý, «jasyl» energetıkaǵa, tsıfrlyq transformatsııaǵa 10 mlrd dollardan astam ınvestıtsııa baǵyttaýdy josparlap otyr, - dep túıindedi Masato Kanda.
Eske salaıyq, bul kúnderi Ózbekstannyń Samarqand qalasynda Azııa damý bankiniń 59-shy otyrysy ótip jatyr. Negizgi is-sharalarǵa kórshiles eldiń basshysy Shavkat Mırzıeev qatysady.
Buǵan deıin habarlaǵanymyzdaı, Azııa damý banki bıyl Ózbekstannyń ishki jalpy ónim kólemi 6,7%-ǵa ósetinin boljap otyr.
