Ortalyq Azııa men Qytaıdyń tıimdi yntymaqtastyǵy úshin barlyq qajetti shart bar - Toqaev

ASTANA. KAZINFORM – Ortalyq Azııa men Qytaıdyń tıimdi yntymaqtastyǵy úshin barlyq qajetti shart bar. Bul týraly «Ortalyq Azııa – Qytaı» ІІ sammıtinde Memleket basshysy Qasym-Jomart Toqaev aıtty.

- «Ortalyq Azııa – Qytaı» formaty bizdi jibek jippen jalǵap, tarıhı taǵdyry ortaq qoǵamdastyq qurýdyń jańa kókjıegin aıqyndap berdi. Biz saýda-sattyqta, ónerkásipte, kólik pen logıstıkada, aýyl sharýashylyǵynda, tsıfrlandyrýda, sonymen qatar ekonomıkanyń basqa da salalarynda yntymaqtastyq tetikterin iske qosa aldyq. Sıan qalasynda Ortalyq Azııa men Qytaı hatshylyǵyn qurdyq. Qazirgi ýaqytta biz geografııany, ózara ınvestıtsııa men ınfraqurylymdyq jobalardy keńeıtý úshin belsendi jumys istep jatyrmyz, - dedi Prezıdent.

Memleket basshysy kúni keshe Qazaqstan men Qytaı arasynda ınvestıtsııalyq kelisimge qol qoıylǵanyn, ol joǵaryda atalǵan basym baǵyttarmen úılesetinin aıtty.

- Qolda bar múmkindikter sınergııasy óńir memleketteriniń Qytaı Halyq Respýblıkasymen odan ári serpindi jáne ózara tıimdi yntymaqtastyǵy úshin qýatty negiz qalaıtynyna senimdimin. Bul úshin barlyq qajetti shart bar, - dedi Qasym-Jomart Toqaev.

«Ortalyq Azııa – Qytaı» ІІ sammıtine Memleket basshysy Qasym-Jomart Toqaev, QHR tóraǵasy Sı Tszınpın, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japarov, Túrikmenstan Prezıdenti Serdar Berdimuhamedov jáne Tájikstan Prezıdenti Emomalı Rahmon qatysyp otyr.