Ortalyq Azııa memleketteri basshylary men AQSh Prezıdentiniń birlesken sýreti jarııalandy
ASTANA. KAZINFORM — Aqorda Ortalyq Azııa memleketteri basshylary men AQSh Prezıdentiniń birlesken sýretin jarııalady.
— Ortalyq Azııa memleketteri basshylary men AQSh Prezıdentiniń birlesken sýreti. 6 qarasha, Vashıngton, Aq úı, — delingen habarlamada.
Aıta ketelik keshe Qasym-Jomart Toqaevtyń Vashıngtonǵa sapary Memlekettik hatshy Mark Rýbıomen, Saýda mınıstri Govard Latnıkpen, sondaı-aq AQSh Prezıdentiniń Ońtústik jáne Ortalyq Azııadaǵy arnaıy ókili Serdjıo Gormen kezdesýden bastaǵan edi. Sonymen qatar Qazaqstan men AQSh asa mańyzdy mıneraldar týraly memorandýmǵa qol qoıdy.
Sondaı-aq Prezıdentke Vashıngtonda álemdik naryqqa shyqqan ІT startaptar tanystyryldy. Prezıdent amerıkalyq kongressmenderdi qabyldady. Keıin Memleket basshysy Chevron korporatsııasy dırektorlar keńesiniń tóraǵasyn qabyldady. Qasym-Jomart Toqaev amerıkalyq senator Stıv Deınsti qabyldady.
Memleket basshysy AQSh-tyń tanymal basylymdaryna suhbat berdi. Prezıdent Qasym-Jomart Toqaev Donald Tramppen kelissóz júrgizdi.