«Ortalyq Azııa – Qytaı» sammıtiniń Astana deklaratsııasyna qol qoıyldy

ASTANA. KAZINFORM – «Ortalyq Azııa – Qytaı» sammıtiniń Astana deklaratsııasyna qol qoıyldy. Bul týraly ІІ sammıt qorytyndysyna oraı ótken brıfıngte «Ortalyq Azııa – Qytaı» formaty hatshylyǵynyń bas hatshysy Sýn Veıdýn málim etti.

- Alty memlekettiń basshysy «Ortalyq Azııa – Qytaı» ІІ samıtiniń Astana deklaratsııasyna jáne Qytaı, Qazaqstan, Qyrǵyzstan, Tájikstan, Túrikmenstan, Ózbekstan arasyndaǵy máńgi tatý kórshilik, dostyq jáne yntymaqtastyq týraly shartqa birge qol qoıdy. Sonymen qatar úsh yntymaqtastyq ortalyǵy men bir yntymaqtastyq platformasynyń ashylý saltanatyna qatysty, - dedi Sýn Veıdýn.

Budan buryn habarlanǵandaı, Astanada «Ortalyq Azııa – Qytaı» ІІ sammıti jumysyn bastady.

Qasym-Jomart Toqaev sammıt barysynda Ortalyq Azııa men Qytaıdyń tıimdi yntymaqtastyǵy úshin barlyq qajetti shart bar ekenine toqtaldy.