Ortalyq Azııa — Qytaı: Kelesi sammıt Beıjińde ótedi
ASTANA. KAZINFORM — «Ortalyq Azııa — Qytaı» sammıti endi eki jyldan keıin Beıjińde ótedi. Bul týraly format Hatshylyǵynyń Bas hatshysy Sýn Veıdýn Astana sammıtin qorytyndylaǵan málimdemesinde aıtty.
— Ortalyq Azııa elderiniń prezıdentteri ekijaqty kezdesýler ótkizdi. Onda ózara senimdi nyǵaıtý jáne yntymaqtastyqty kúsheıtý máseleleri talqylandy, — dedi ol BAQ ókilderiniń aldynda oqyǵan málimdemesinde.
Sondaı-aq ol Astana sammıtiniń uıymdastyrylý deńgeıine toqtaldy.
— Taraptar Qazaqstanǵa ekinshi Ortalyq Azııa — Qytaı sammıtin joǵary deńgeıde uıymdastyrǵany úshin alǵys bildirdi. Taraptar úshinshi Ortalyq Azııa — Qytaı sammıti 2027 jyly Qytaıda ótedi dep kelisti, — dedi Sýn Veıdýn.
Aıta keteıik, búgin elordadaǵy Táýelsizdik saraıynda «Ortalyq Azııa – Qytaı» ІІ sammıti ótti.
Sammıt barysynda Prezıdent Quryq portynda Qytaımen birlesken júk termınalyn qurýdy usyndy.