Ortalyq Azııa — Qytaı forýmy: birqatar qujatqa qol qoıyldy
ASTANA. KAZINFORM — Búgin elordada «Ortalyq Azııa — Qytaı: Energetıka» forýmy aıasynda Qazaqstannyń Energetıka mınıstrligi birqatar kompanııa ókilderimen qujattarǵa qol qoıdy.
— Forým aıasynda birqatar mańyzdy qujatqa qol qoıdyq. Basty maqsat — birlesken zertteý ortalyqtaryn ashý. Energetıka salasynda balamaly qýattardyń artýyna baılanysty bizge saladaǵy júıeni tııanaqty josparlaý mańyzdy. Balamaly jáne jańartylatyn energııa úlesi artqan saıyn ıntegratsııada tsıfrlyq tehnologııanyń róli artty. Sondyqtan bul baǵytta Qytaıdyń energetıkalyq kompanııalaryń álemdik deńgeıde kósh bastap keledi. Osy oraıda birlesken jumystarǵa erekshe nazar aýdaryp otyrmyz, — dedi QR Energetıka vıtse-mınıstri Baqytjan Іlııas forým kezinde tilshiler suraǵyna jaýap bere otyryp.
Onyń aıtýynsha, bul rette Qytaı tehnologııalaryn paıdalaný, mamandardy daıarlaý, birlesken kásiporyndardy Qazaqstanda salý eskerilgen. Osy kásiporyndar jańartylatyn energııa jabdyqtaryn Qazaqstan aýmaǵynda jasaýǵa baǵyttalady.
Forým aıasynda qol qoıylǵan negizgi qujattar:
1. POWERCHINA-men aradaǵy kelisim — óndiristi jergiliktendirý, ǵylymı-zertteý ortalyǵyn qurý jáne kómirteksizdendirý qoryn iske qosý boıynsha strategııalyq áriptestik.
2. China Southern Power Grid-pen aradaǵy memorandým — HVDC, tsıfrlyq energetıka jáne gıdroakkýmýlıatsııalyq stantsııalar salasyndaǵy birlesken jobalardy damytý.
3. Huawei Kazakhstan-men aradaǵy memorandým — energetıkany tsıfrlyq transformatsııalaý jáne kıberqaýipsizdik salasynda yntymaqtastyq.
4. China Energy Overseas Investment-pen «Saýran» kún elektr stansay jobasy boıynsha kelisimshart — Túrkistan oblysyndaǵy kún elektr stantsııasyna qatysty.
5. QazaqGaz jáne China Construction Bank arasyndaǵy kelisim — QazaqGaz ınvestıtsııalyq jobalaryn qarjylandyrý.
6. CNCECI-men aradaǵy kelisim — jylyna 2 mlrd tekshe metr gaz óńdeýge arnalǵan kómirhımııalyq zaýyt jobasynyń tehnıkalyq-ekonomıkalyq negizdemesin ázirleý.
7. Sinopec-pen aradyǵy kelisim –tereń óńdeý ónimderin jasaý úshin tehnologııalyq seriktestik.
8. China Energy International jáne Shanhaı Tszıaotýn ýnıversıtetimen kelisim — sýtegi tehnologııalary men ǵylymı zertteýler salasyndaǵy yntymaqtastyq.
Budan buryn habarlanǵandaı, búgin elordada «Ortalyq Azııa — Qytaı: Energetıka» forýmynda QR Energetıka mınıstri Erlan Aqkenjenov saladaǵy jobalar týraly aıtty.
Sonymen qatar forým barysynda «KEGOC» AQ Basqarma tóraǵasy Nábı Aıtjanov 2035 jylǵa qaraı elimizde 32 GVt jańa elektr stantsııalaryn qosý jospary bar ekenin aıtty.