«Ortalyq Azııa – Qytaı» formatynyń uzaqmerzimdi damý strategııasyn ázirleý qajet - Toqaev

ASTANA. KAZINFORM — Memleket basshysy Qasym-Jomart Toqaev «Ortalyq Azııa – Qytaı» formatynyń 2026-2030 jyldarǵa arnalǵan uzaqmerzimdi damý strategııasyn ázirleý qajet dep sanaıdy. Bul týraly Prezıdent elordadaǵy «Ortalyq Azııa – Qytaı» ІІ sammıtinde aıtty.

Memleket basshysy «Ortalyq Azııa-Qytaı» Hatshylyǵy qyzmetine qatysty usynys aıtty.

- Bul formatty damytýdyń 2026-2030 jyldarǵa arnalǵan uzaqmerzimdi strategııasyn ázirleý mańyzdy dep sanaımyz. Hatshylyqqa jaýapty mıssııa júktelip otyr, ıaǵnı birlesken jobalardy júzege asyrýǵa járdemdesý, yntymaqtastyqty arttyrý jáne saýda rásimderin úılestirý boıynsha usynystar engizý is-sharalaryna nazar aýdarýy qajet, - dedi Qasym-Jomart Toqaev.

Prezıdenttiń pikirinshe, búgingi Sammıt elderimizdiń tatý kórshilik qatynasty, ózara tıimdi yntymaqtastyqty nyǵaıtýǵa jáne ornyqty damýǵa múddeli ekenin rastady.

Memleket basshysy jıyn barysynda aıtylǵan usynystar máńgi dostyq pen strategııalyq seriktestikke berik negiz qalaıtynyna senim bildirdi.

Budan buryn habarlanǵandaı, Astanada «Ortalyq Azııa – Qytaı» ІІ sammıti jumysyn bastady.