Aleksandr Býblık Germanııadaǵy týrnırde álemniń 1-raketkasymen kezdesýi múmkin

ASTANA. KAZINFORM – Qazaqstannyń birinshi, álemniń 45-raketkasy Aleksandr Býblık Galle (Germanııa) ATP 500 týrnıriniń ekinshi aınalymyna shyqty.

Qazaqstandyq tennısshi alǵashqy aınalymda álemniń 40-raketkasy, frantsııalyq Aleksandr Mıýllermen betpe-bet keldi.

Birinshi partııada esep 4:4 bolǵan mezette Býblık breık jasaı bildi – 6:4.

Ekinshi sette de qazaqstandyq sportshy 2:0 esebimen alǵa ketti. Aqyry matchty jeńispen túıindedi - 6:4.

Bir saǵatqa sozylǵan báseke barysynda Býblık 11 eıspen birge 5 breık-poınttyń ekeýin paıdalandy. Mıýller 6 eıspen kózge tústi.

Qazaqstandyq tennısshi 2023 jyly Gallede jeńimpaz atansa, ótken jyly ekinshi aınalymnan asa almaǵan edi.

Aleksandr Býblık bul joly shırek fınalǵa shyǵý úshin álemniń 1-raketkasy, ıtalııalyq ıAnnık Sınner nemese reıtıngide 138-satydaǵy germanııalyq ıAnnık Hanfmannyń qaı jeńgenimen talasady.

Rollan Garros jarysynda A.Býblık sporttyq jolynda alǵash ret shırek fınalǵa deıin jetip, onda ıA.Sınnerge jol bergen edi.

Eske sala keteıik, budan buryn 17 jasar Ámir Omarhanovtyń álemdik reıtıngide úzdik kórsetkishke qol jetkizgenin jazǵan bolatynbyz.

Sondaı-aq Pýtıntseva Nottıngem týrnırinde alǵashqy qarsylasyn aıqyn basymdylyqpen utty.