«Ortalyq Azııa – Eýropa Odaǵy» sammıti bastaldy

SAMARQAND. KAZINFORM – Ózbekstannyń Samarqand qalasynda «Ortalyq Azııa - Eýropa Odaǵy» formatyndaǵy alǵashqy sammıt bastaldy, dep habarlaıdy Kazinform agenttiginiń menshikti tilshisi Álıhan Asqar.

«Орталық Азия – Еуропа Одағы» саммиті
Фото: Саммитті ұйымдастыру комитеті

Sammıtke Ózbekstan prezıdenti Shavkat Mırzıeev tóraǵalyq etip otyr. Tıisinshe, alǵash bolyp sóz ol atalǵan is-sharaǵa qatysýǵa nıet bildirgeni úshin Eýropalyq keńes prezıdenti Antonıý Koshta, Eýropalyq komıssııa prezıdenti Ýrsýla fon der Lıaıen jáne Ortalyq Azııa memleketteriniń kóshbasshylaryna alǵys bildirdi.

Buǵan deıin Memleket basshysy Qasym-Jomart Toqaev «Ortalyq Azııa – Eýropa Odaǵy» sammıtine qatysý úshin «Kongress-ortalyqqa» kelgenin jazyp edik.

Búgingi kezdesýde taraptar kólik-logıstıkalyq jobalardy birlesip qolǵa alý, strategııalyq shıkizat baǵytyndaǵy seriktestik, ekologııalyq taza jáne tıimdi energııa óndirý kózderin engizý múmkindikterin talqylaıdy.

Buǵan deıin is-sharaǵa qatysty pikir bildirgen Eýropalyq keńes prezıdenti Antonıý Koshta «Ortalyq Azııa - Eýropa Odaǵy» sammıti óńir elderi men eýroaımaq memleketteriniń ornyqty damýyna tirek bolatyn yntymaqtastyq baǵytyn aıqyndaıtyn alań bolatynyn málimdedi.

Eske salaıyq, keshe Prezıdent Qasym-Jomart Toqaev Ózbekstanǵa jumys saparymen keldi. Onyń barysynda Memleket basshysy Eýropalyq keńes prezıdenti Antonıý Koshta, Eýropalyq komıssııa prezıdenti Ýrsýla fon der Lıaıen, Eýropalyq qaıta qurý jáne damý bankiniń prezıdenti Odıl Reno-Bassomen ekijaqty kezdesýler ótkizdi.

Сейчас читают