Ortalyq Azııa elderiniń ortaq maqsaty arta tústi – sarapshy

ASTANA. KAZINFORM – Ortalyq Azııada elder arasyndaǵy qaıshylyqtar azaıyp, yntymaqtastyq nyǵaıyp keledi. Bul týraly Azııa zertteýleri ınstıtýtynyń dırektory Sultan Ákimbekov Bizdin Orta podkastynda aıtty.

– Buryn biz óńir ishindegi báseke jaıly jıi aıtatynbyz jáne oǵan negiz de bar edi. Al búginde qaıshylyqtarǵa qaraǵanda ortaq maqsattar men mindetter áldeqaıda kóp, kóptegen kúrdeli máseleler sheshildi, – dedi ol.

Sarapshy mysal retinde Qazaqstan men Ózbekstannyń jaqyndasýyn keltirdi.

– Ózbekstan buryn negizinen memlekettik ekonomıkaǵa súıenetin. Qazir Qazaqstan men Ózbekstan arasyndaǵy qarym-qatynas óte qarqyndy damyp jatyr, olar tolyqqandy jumys deńgeıinde, eshqandaı qaıshylyq joq, – dep atap ótti S.Ákimbekov.

Ol sondaı-aq Tájikstan men Qyrǵyzstan arasyndaǵy oń ózgeristerdi de atap ótti.

– Tájikter men qyrǵyzdar arasynda da qaıshylyq joq, daýly máseleler boıynsha kelisimge qol qoıyldy. Óńir ishinde talqylanatyn ózge de ortaq taqyryptar bar, – dedi ol.

Sarapshynyń aıtýynsha, Qazaqstan álemdik kúsh ortalyqtarymen kommýnıkatsııada erekshe ról atqarady.

– Bizdiń jahandyq oıynshylarmen qarym-qatynasymyzdyń óz ereksheligi bar. Bizdi mýzykalyq toptaǵy frontmenmen salystyrýǵa bolady, sonymen qatar bul birtutas ansambl, – dedi ol.

Podkasttyń tolyq nusqasy 15 tamyz kúni saǵat 00:30-da Jibek Joly telearnasynda kórsetiledi.

Aıta keteıik, Aqtaýda Ortalyq Azııa elderiniń ekologııalyq vedomstvo mınıstrleriniń kezdesýi ótti.