Ortalyq Azııa elderiniń arnaýly qyzmetteri basshylary Tashkentte ne talqylady

TAShKENT. KAZINFORM - Tashkentte Ortalyq Azııa elderiniń arnaýly qyzmetteri basshylarynyń alǵashqy kezdesýi ótti. Bul týraly Ózbekstan Memlekettik qaýipsizdik qyzmeti habarlady. 

Atalǵan shara Ózbekstannyń Ortalyq Azııa memleketteri basshylarynyń VII Konsýltatıvtik kezdesýine tóraǵalyǵy aıasynda uıymdastyrylǵany atap ótildi. Sharanyń ashylýynda Prezıdent Shavkat Mırzıeevtiń qatysýshylarǵa joldaýy oqyldy. Ortalyq Azııa elderiniń arnaýly qyzmetteriniń dıalogy óńirlik qaýipsizdikti qamtamasyz etýdiń birlesken tásilderi men tıimdi tetikterin ázirleýge qyzmet etetini atap ótildi.

Kezdesý barysynda óńir elderiniń qaýipsizdigine tónetin zamanaýı qaýipt-qaterlerdi baǵalaýdyń biryńǵaı tásilderin ázirleýge, sondaı-aq olardy joıýda arnaýly qyzmetter arasyndaǵy yntymaqtastyqtyń tıimdiligin arttyrý máselelerine basty nazar aýdaryldy.

Taraptar aımaqtyq qaýipsizdik, terrorızm, ekstremızm, zańsyz esirtki jáne qarý-jaraq aınalymymen kúres, transulttyq qylmys, aqparattyq jáne kıberqaýipsizdik qamtamaszyz etý salalaryndaǵy ózekti máselelerdi jáne basqa da ózara tıimdi yntymaqtastyq baǵyttaryn talqylady.

Bul shara Ortalyq Azııa elderi arasyndaǵy qaýipsizdik salasyndaǵy yntymaqtastyqty damytýdyń mańyzdy kezeńi bolyp, aımaqta beıbitshilik pen turaqtylyqty odan ári nyǵaıtý maqsatynda arnaýly qyzmet basshylarynyń turaqty kezdesýlerine negiz bolǵany aıtyldy.

Eske sala keteıik, Ortalyq Azııa elderi Qaýipsizdik keńesteriniń hatshylary Ózbekstanda bas qosqany jaıly jazǵan edik.