Ortalyq Azııa elderi temperatýranyń joǵarylaý máselesimen betpe-bet keledi – Prezıdent
Qasym-Jomart Toqaev samıtte sóılegen sózinde Ortalyq Azııa elderi temperatýranyń 2,5 gradýsqa deıin joǵarylaý máselesimen betpe-bet keletinin aıtty, dep habarlaıdy Kazinform.
«Keńirek aıtqanda, halyqaralyq qoǵamdastyq klımat baǵytyndaǵy baǵdarlamalarǵa bólinetin qarjy kólemin ulǵaıtýǵa qatysty óz mindettemelerin kúsheıtedi dep úmittenemiz. Biraq qarjylandyrý – tek kedergilerdiń basy ǵana.
2050 jylǵa qaraı jahandyq temperatýranyń 1,5 gradýsqa deıin kóterilýin shekteı alǵanymyzben, Ortalyq Azııa elderi báribir temperatýranyń 2,5 gradýsqa deıin joǵarylaý máselesimen betpe-bet keledi. Bul sý tapshylyǵyna, qatty ystyqqa, shólge jáne ekstremaldy gıdrologııalyq qubylystarǵa ákep soqtyrady. Sondyqtan mundaı qıyn jaǵdaıdan qashyp qutyla almaımyz jáne oǵan beıimdelýge májbúrmiz», - dedi Prezıdent.
