Ortalyq Azııa elderi men Ázerbaıjan Prezıdentteri keshki as ishýge jınaldy
ASTANA. KAZINFORM - Ortalyq Azııa elderi men Ázerbaıjan Prezıdentteri keshki as ishýge jınaldy, dep habarlaıdy Aqordanyń baspasóz qyzmeti.
Buǵan deıin Qasym-Jomart Toqaev Ortalyq Azııa memleketteri basshylarynyń VI Konsýltatıvtik kezdesýine qatysý úshin Astanaǵa arnaıy kelgen Ózbekstan, Qyrǵyzstan, Tájikstan jáne Ázerbaıjan prezıdentterimen birge mártebeli meımandardyń qurmetine uıymdastyrylǵan «Dostyq keshi» gala-kontsertin tamashalady.
Búgin keshke Astanaǵa Tájikstan Prezıdenti Emomalı Rahmon Astanaǵa keldi, ol Ortalyq Azııa memleketteri basshylarynyń VI konsýltatıvtik kezdesýi men «Ortalyq Azııa + Japonııa» dıalogy memleketteri basshylarynyń birinshi sammıtine qatysady.
Odan buryn Qyrǵyzstan Prezıdenti Sadyr Japarov ta Astanaǵa kelgen edi. Qyrǵyz basshysy da Ortalyq Azııa memleketteri basshylarynyń VI konsýltatıvtik kezdesýine jáne «Ortalyq Azııa + Japonııa» dıalogy memleketter basshylarynyń birinshi sammıtine qatysady.
Sondaı-aq, búgin Ázerbaıjan basshysy Ilham Álıev te Ortalyq Azııa memleketteri basshylarynyń VI konsýltatıvtik kezdesýine qatysý úshin Astanaǵa kelgen bolatyn.
Al, 7 tamyz kúni Qasym-Jomart Toqaev Qazaqstanǵa memlekettik saparmen kelgen Ózbekstan Prezıdenti Shavkat Mırzıeevti elorda áýejaıynda qarsy alǵanyn jazǵan edik.
7-8 tamyz kúnderi tústiktegi kórshi el basshysy Shavkat Mırzıeevtiń Qazaqstanǵa resmı sapary ótip jatyr.
