Ortalyq Azııa elderi qaýipsizdiktiń úsh baǵytynda kúsh biriktirmek

ASTANA. KAZINFORM – Elordada Ortalyq Azııa elderiniń Qaýipsizdik keńesi hatshylarynyń birinshi otyrysy ótti.

«Bizdiń memleketterimizdiń Prezıdentteriniń maqsatkerlik kúsh-jigeriniń jáne birizdi qadamdarynyń arqasynda ortaazııalyq yqpaldastyq jańa deńgeıge shyǵyp otyr. BUl elderimiz arasynda ornaǵan senim, dostyq pen tatýkórshiliktiń san ǵasyrlyq dánekerin nyǵaıtýǵa degen umtylysty bildiredi. Qarym-qatynasymyzdy tereńdetýde Ortalyq Azııa memleketteri basshylarynyń konsýltatvtik kezdesýi mańyzdy rólge ıe. Ózara is-qımyldyń bul formaty saýda, ónerkásiptik kooperatsııa, energetıka, kólik pen logıstıka salalaryndaǵy jan-jaqty ynytmaqtastyqtyń damýyna aıtarlyqtaı serpin berdi», - dedi kezdesý barysynda Qazaqstan Qaýipsizdik keńesiniń hatshysy Ǵızat Nurdáýletov.

Osy oraıda ol qazirgi ýaqytta osy jyldyń tamyzynda Astanada ótetin VI Sammıtke daıyndyq qarqyndy júrip jatqanyn basa aıtty. 

«Geosaıası jáne geoekonomıkalyq týrbýlenttilik óńirimizdiń qaýipsizdik jaı-kúıine teris áserin tıgizedi. Búgingi bizben kezdesýde Qazaqstan Prezıdenti Toqaev Qasym-Jomart Kemeluly atap ótkendeı, Ortalyq Azııa elderi Qaýipsizdik keńesiniń hatshylary deńgeıindegi kezdesýler syrtqy jáne ishki qaýip-qaterlerge qarsy turýda kúsh-jigerdi biriktirý alańy bolýǵa baǵyttalǵan. Sonymen qatar bizdiń ózara is-qımyl formatymyz saıası jáne saýda-ekonomıkalyq yntymaqtastyqty damytýdaǵy oń dınamıkany nyǵaıtýǵa septigin tıgizedi dep esepteımiz. Osy múmkindikti paıdalanyp, Qazaqstandaǵy sý tasqynyna baılanysty baýyrlastyq tilektestigin jne gýmanıtarlyq kómegin kórsetken sizdiń eldelrimizdiń shynaıy rızashylyǵymdy bildirýge ruqsat etińizder. Biz bastapqy kezeńde úsh tarmaqqa jumylyp, olardy júzege asyrý úshin dáıekti túrde ilgerileýge ýaǵdalastyq. Birinshi – sý-energetıkalyq qaýipsizdigi, ekinshi – azyq-túlik qaýipsizdigi, úshinshi – Ortalyq Azııa elderiniń qaýipsizdigi men kólik-logıstıkalyq áleýetti damytý», - dedi ol.