Ortalyq Azııa elderi ekonomıkasyndaǵy Qytaıdyń qarjylyq róli
ASTANA.KAZINFORM – Qazaqstan Ortalyq Azııadaǵy basqa eldermen salystyrǵanda qytaı kapıtalyna táýeldiliktiń salystyrmaly túrde tómen deńgeıin saqtap otyr. Buǵan dálel Halyqaralyq valıýta qory men Dúnıejúzilik bank derekteri negizinde jasalǵan jıyntyq baǵalaýlar dep habarlaıdy Finance.kz.
Sarapshylardyń aıtýynsha, óńirdiń birqatar elderinde qytaı nesıeleri ınfraqurylymdy damytýǵa, ıaǵnı energetıka, jol jáne transporttyq jobalaryna baǵyttalǵan. Bul rette Qytaı kóbine tek qurylysqa ǵana emes, nysandardy paıdalanýǵa berý men qyzmet kórsetýge de ınvestıtsııa salatyn júıeli ınvestor retinde kórinedi.
Ortalyq Azııa elderiniń syrtqy qaryz qurylymyndaǵy qytaı kapıtalynyń úlesi ártúrli. Atap aıtqanda:
- Qyrǵyzstan – 30,5%
- Tájikstan – 16,1%
- Túrikmenstan – 13,4%
- Ózbekstan – 7,5%
- Qazaqstan – 3,6%
Sonymen qatar Qazaqstan qaryz alýdyń neǵurlym ártaraptandyrylǵan qurylymyn kórsetip otyr. Maqala avtorynyń málimetinshe, Qazaqstan qytaı kapıtalyna aıtarlyqtaı táýeldi emes.
Qytaı qaryzy úlesiniń salystyrmaly túrde tómen bolýy syrtqy mindettemelerdi basqarýda úlken ıkemdilikti saqtaýǵa jáne táýeldilik táýekelderin azaıtýǵa múmkindik beredi. Sondaı-aq materıalda Qazaqstandaǵy qytaı kapıtaly ártúrli jobalarǵa bólinip, ekonomıkanyń strategııalyq salalarynda shoǵyrlanbaǵany atap ótiledi.
Buǵan deıin Qazaqstan álemdik ekonomıkalyq keńistiktegi bedelin aıtarlyqtaı nyǵaıtyp keledi. Halyqaralyq saraptamalar qorytyndysy boıynsha, elimiz satyp alý qabiletiniń tepe-teńdigine negizdelgen JІÓ kólemi boıynsha 36-orynǵa turaqtaǵanyn jazǵanbyz.
