Ortalyq Azııa elderi astanalarynyń jańa jyldyq shyrshalary qandaı?
Ortalyq Azııa elderi astanalarynyń ortalyq alańdaryna sán berip turǵan jańa jyldyq shyrshalar qandaı? Kazinform bul týraly Kabar agenttigine silteme jasap baıandaıdy.
Astana
Qazaqstannyń bas shyrshasy 17 jeltoqsanda jaǵyldy. Ol Astanadaǵy EKSPO halyqaralyq kórme ortalyǵynyń aýmaǵynda ornalasqan. Bıiktigi - 25 metr.
Bas shyrshany jaǵý kezinde elorda turǵyndary men qonaqtary úshin kontsert, jańa jyldyq jármeńke, muz aıdyny, labırınt, fýd-kort, taqyryptyq fotoaımaqtar jáne t.b. uıymdastyryldy. Sharaǵa bes myńǵa jýyq adam qatysty.
Ashhabad
Túrkimenstan astanasynda 15 jeltoqsanda «Álem» mádenı-oıyn-saýyq ortalyǵynyń alańynda ornatylǵan jasyl shyrshany jaǵý rásimi ótti. Shyrshanyń bıiktigi - 44 metr, al dıametri - 16 metr. Ol Sibirden ákelingen tabıǵı shyrsha butaqtarynan jasalyp, 4 myń oıynshyq jáne 55 myń jaryq dıodty shamdarmen bezendirildi.
Shyrshanyń joǵarǵy jaǵynda «2024» degen jazýy bar segiz qyrly juldyz ornalasqan. Ol túrkimen ulttyq kúntizbesi boıynsha keler jyldyń nyshany - júzetin balyqtardy beıneleıtin monıtorlarmen qorshalǵan.
Bishkek
Bishkekte 15 jeltoqsanda eldiń bas shyrshasynyń shamy jaǵyldy. Dástúr boıynsha ol Ala-Too alańynda ornatyldy. Bıiktigi - 32 metr, dıametri - 12 metr.
Shara qonaqtary úshin otandyq estrada ánshileriniń qatysýymen kontsert uıymdastyryldy. Shyrsha 32 metrlik jaryq dıodty gırlıandalarmen joǵarydan tómenge deıin sheńber boıymen bezendirilgen.
Dýshanbe
Dýshanbede jańa jyldyń basty atrıbýty Táýelsizdik alańyna ornatyldy. Bıyl onyń bıiktigi - 30 metrge, dıametri 16 metrge jetedi.
Jańa jyl qarsańynda merekelik kontsert qoıylyp, otshashý bolady.
Tashkent
Bas shyrsha jyldaǵy dástúr boıynsha Ózbekstan Ulttyq kitaphanasynyń aldyna ornatyldy. Onyń bıiktigi - 35 metr.
Bul jerde merekelik sharalar 28 jeltoqsan men 8 qańtar aralyǵynda saǵat 11:00-den 23:00-ge deıin ótedi.
