Ortalyq Azııa boıynsha eń arzan ınternet Qazaqstanda — depýtat
ASTANA. KAZINFORM — Májilis depýtaty Ábýtálip Mútáli eldegi ınternet tarıfiniń qymbattaýy jóninde pikir bildirdi jáne ınternetti qoldaný kúnnen-kúnge artyp kele jatqanyn aıtty.
— Tutynýshy retinde ózim sapasy tómen vıdeony qaraǵym kelmeıdi. Sizderde de solaı shyǵar. Eger ózimizdiń ınfraqurylymymyzdy damytqymyz kelse, ınternet jelilerin damytqymyz kelse, álemdegi ınternetke tólenip otyrǵan basqa elderdiń tarıfterin qarap shyǵý kerek. Mendegi aqparat boıynsha, Qazaqstandaǵy 1 megavıtt quny — 0,57 tsent. Budan arzan tarıftik baǵdarlama Ortalyq Azııada joq. Oǵan qosa, bizde ınternetke qoljetimdilik artyp keledi. Spýtnıkter de Qazaqstanǵa alǵashqylardyń biri bolyp enip otyr. Basqa elderde spýtnıktik ınternet Qazaqstandaǵydaı damymaǵan, — dedi Ábýtálip Mútáli Májilis kýlýarynda.
Búgin Májilis telekommýnıkatsııalar naryǵyn jáne derekterdi óńdeý ortalyqtaryn damytý máseleleri boıynsha ózgerister men tolyqtyrýlar engizý týraly zań jobasyn birinshi oqylymda maquldady.
— Talqylaýda depýtattar kótergen eń basty másele — tarıfterdiń qymbattyǵy boldy. Quziretti organnyń aıtýynsha, bul sala básekeli naryqqa berilgen. Internet jelilerin damytý boıynsha kemi úsh operator, 30-ǵa jýyq kishi operatorlar bar. Endigi oqylymǵa deıin áriptesterimizden tarıfterdi retteý boıynsha usynystar kútemiz, — deıdi depýtat.
Aıta keteıik, jańa zań aıasynda eGov, e-Otinish qyzmetteri men Aitu messendjeri tarıfsiz qoljetimdi bolmaq.
Sondaı-aq, bıyl Qazaqstanda poıyzdar men ushaqtarda ınternet qoljetimdi bolady.
Alaıaqtyqtan turǵyndardy qorǵaý úshin resmı uıymdar men kompanııalar qońyraýy tańbalanyp, kimniń qońyraý shalǵany anyq kórinetin boldy.
