Ortalyq Azııa bergen ýádeni oryndaýda jahandyq kóshbasshyǵa aınaldy — Dúnejúzilik bank
ASTANA. KAZINFORM — Ortalyq Azııa bergen ýádeni oryndaýda jahandyq kóshbasshyǵa aınaldy. Bul týraly Óńirlik ekologııalyq sammıt aıasynda ótip jatqan Ortalyq Azııa klımattyń ózgerý máseleleri jónindegi konferentsııada Dúnıejúzilik banktiń qorshaǵan orta jónindegi tobynyń dırektory Valerı Hıkkı aıtty.
— Ortalyq Azııa álemdik deńgeıde ýáde berýde ǵana emes, sol ýádeniń oryndalýynda da jahandyq kóshbasshy bolyp keledi. Óńir energetıkaǵa, sýǵa, tabıǵatqa ınvestıtsııa salý múmkindikter kún tártibi ekenine jol siltep, jón kórsetip otyr. Ortalyq Azııa jumys oryndary sanynyń artyp, túptep kelgende ǵalamshardyń tirshiligin jaqsarta túsetin kún tártibin qalaı júzege asyrýdy da biledi. Sóz ekonomıkalyq ósim, sonymen qatar qorshaǵan ortany qorǵaý jaıynda bolyp otyr. Óńir jeke sektordy, ınvestııany qalaı tartý kerektigin, energetıka, sýmen jabdyqtaý salalarynda memlekettik sektorǵa qysymdy qalaı tómendetý qajettigin kórsetýde, — dedi meıman.
Onyń dereginshe, Dúnıejúzilik bank toby óńirde naqty baǵdarlamalardy júzege asyrý úshin 1 mlrd dollar ınvestıtsııa jumsaǵanyn atap ótti.
— Ortalyq Azııa — bul ekonomıkany damytý, jumys oryndaryn arttyrý úshin birlese jumys isteıtin elderdiń koalıtsııasy. Buǵan qosa, ǵalamshardyń tirshiligin jaqsarta túsý úshin de zor úles qosyp keledi, — dedi Valerı Hıkkı.
Aıta keteıik, Óńirlik ekologııalyq sammıttiń ashylýyna Memleket basshysy Qasym-Jomart qatysýshylarǵa iltıpat bildirip, halyqaralyq dıalog alańynyń mańyzyna toqtalǵan edi.
