Ortalyq Azııa aımaǵy turaqty, ári qaýipsiz – EO-nyń Qazaqstandaǵy Elshisi
ASTANA. KAZINFORM – Eýropalyq Odaqtyń Qazaqstandaǵy Elshisi Kestýtıs ıAnkaýskas ejelgi Jibek joly boıynda ornalasqan Ortalyq Azııa elderi, onyń ishinde Qazaqstannyń týrıstik áleýetine qatysty oıymen bólisti.
«Eýropa elderiniń turǵyndary Ortalyq Azııany qaıta ashýda, óıtkeni munda qyzyqty is-sharalar ótedi. Mysaly, aldaǵy V dúnıejúzilik kóshpendiler oıyndary. Ortalyq Azııa aımaǵy turaqty, ári qaýipsiz, qonaqjaı, mádenıeti men tabıǵatynda ózindik erekshelikteri bar. Týrıstik áleýeti áli de keńinen tanymal emes, sol úshinde áýe tasymalyn jıiletip, týrısterge aqparatty qol jetimdi etý qajet. Biz Transkaspıı kólik dálizi, ulttyq áýe qatynasy, shaǵyn jáne orta bıznes jobalary sııaqty birqatar jobaǵa mıllıondaǵan eýro ınvestıtsııa quıdyq. Olardyń barlyǵy bir–birimen baılanysty», - dedi Kestýtıs ıAnkaýskas BAQ ókilderiniń saýalyna jaýap bere turyp.
EO elshisiniń aıtýynsha, jobalardyń basty maqsaty – Eýropalyq Odaq pen Ortalyq Azııa elderi arasynda bıznes, mádenıet, týrızm salasynda qarym-qatynasty nyǵaıtý jáne ejelgi Jibek jolyn jańǵyrtý.
«Men jaqynda Túrkistandaǵy Qoja Ahmet ıAssaýı kesenesine bardym. Túrkistanda kórýge bolatyn kóp nárse bar. Mádenı mura ortalyǵy retinde Túrkistan men onyń tóńiregindegi barlyq ınfraqurylym jaqsy damyǵan. Qazir Qazaqstannyń týrızm mınıstrligi qoljetimdi jáne sapaly aqparatpen qamtý baǵytynda jumys istep jatyr. Meniń oıymsha, týrıster sany artyp keledi, sáıkesinshe Eýropa Qazaqstan týraly málimetter keńinen taralady», - dep tolyqtyrdy ol.
Buǵan deıin Eýropalyq Odaqtyń Qazaqstandaǵy Elshisi Kestýtıs ıAnkaýskas Jibek jolyn jańǵyrtýǵa qatysty pikirimen bólisken edi.
Aıta keteıik, búgin Astanada Eýropalyq Odaqtyń qarjylandyrýymen ıÝNESKO-nyń Almatydaǵy aımaqtyq keńsesi 2018 jyldan beri iske asyryp kelgen «Ortalyq Azııadaǵy Jibek joly murasynyń dálizderi – Eýropalyq mádenı mura jylynyń halyqaralyq aspektileri» atty aýqymdy óńirlik jobasynyń nátıjeleri jarııalandy.
