Ortalyq Azııa ánshileri álemdik deńgeıde – «Silk Way Star» tóreshisi

ASTANA. KAZINFORM – «Silk Way Star» mýzykalyq jobasynyń tóreshisi, ońtústikkoreıalyq ánshi Shın Mın Chol baıqaýdyń deńgeıin joǵary baǵalady. Onyń aıtýynsha, joba ár eldiń mádenıetin bir sahnada toǵystyrǵan erekshe alańǵa aınalǵan.

– Ortalyq Azııa ánshilerin tyńdaǵanda Koreıa sahnasyndaǵy oryndaýshylardy kórgendeı boldym. Olar júrekpen aıtady. Bul aımaqtyń ánderi men mádenıeti álemdik deńgeıde keńinen tanylsa eken, – dep atap ótti Shın Mın Chol.

Shın Mın Chol jobanyń ózine de shyǵarmashylyq shabyt bergenin aıtty.

– Jańa albom jazyp jatyrmyn. Silk Way Star maǵan jańa serpin berdi. Koreıaǵa oralǵan soń osy kóńil kúımen jańa án jazyp, sol albommen Qazaqstanǵa qaıta kelgim keledi, – dedi ol «Bugin LIVE» baǵdarlamasynda.

Koreı ártisi Qazaqstanǵa birneshe ret kelgenin jáne jergilikti mýzykany burynǵydan jaqsyraq tanyǵanyn da atap ótti. Ol aldaǵy ýaqytta koreı saýndtrekterin oryndaıtyn ártistermen birge Qazaqstanda k-drama kontsertin ótkizý múmkindigin qarastyryp jatqanyn aıtty.

Aıta keteıik, «Silk Way Star» saltanatty jerebe tartý rásimi ótkenin jazǵan edik.

Kamıla Múlik