Ortalyq arhıvte Baýyrjan Momyshulynyń buryn belgisiz bolǵan qujattary kórmege qoıyldy
ALMATY. KAZINFORM — Ortalyq memlekettik arhıvinde qazaqtyń dańqty qolbasshysy, Keńes Odaǵynyń Batyry, jazýshy Baýyrjan Momyshulynyń 115 jyldyq mereıtoıyna arnalǵan «Baýyrjan Momyshuly jáne jańa arhıv derekteri» atty respýblıkalyq ǵylymı-praktıkalyq konferentsııa ótti. Bul týraly Mádenıet jáne aqparat mınıstrligi málim etti.
— Konferentsııanyń maqsaty — Baýyrjan Momyshulynyń áskerı murasyn, qolbasshylyq óneri men tulǵalyq fenomenin jańa arhıv derekteri negizinde qaıta zerdeleý. Konferentsııa aıasynda Baýyrjan Momyshulynyń ómiri men qyzmetine qatysty buryn belgisiz bolyp kelgen túpnusqa qujattardan quralǵan arnaıy arhıv kórmesi usynyldy, — delingen habarlamada.
Іs-sharaǵa tarıhshy ǵalymdar, qoǵam jáne mádenıet qaıratkerleri, QR Ulttyq ulanynyń áskerı qyzmetshileri, stýdentter, magıstranttar, doktoranttar jáne mektep oqýshylary qatysty.
Aıta keteıik, bıyl Muhtar Áýezov pen Baýyrjan Momyshulynyń kitaptary ózbek tiline aýdarylady.