«Ortaq túrki tarıhy» oqýlyǵy mektepterge 2016 jyldan bastap engizilmek - D. Qydyráli
Bul týraly búgin Almatyda «Ǵylym ordasy» RMK kesheninde «Ortalyq Azııadaǵy tarıhnama jáne derekter: ótkeni, búgini jáne bolashaǵy týraly jańa zertteýler» atty Halyqaralyq semınar-praktıkým barysynda Halyqaralyq Túrki akademııasynyń prezıdenti, tarıh ǵylymdarynyń doktory, professor Darhan Qydyráli málim etti.
«Biz buǵan deıin osyndaı oqýlyqty ázirlep jatqanymyz jaıynda aıtqan bolatynbyz. Qazir oqý quraly daıar. Tujyrymdamasy jasaldy. Oqýlyqtyń baǵdarlamasy segizinshi synypqa arnalǵan. Endi osy oqý quralynyń sońǵy nusqasyn Ázerbaıjan, Qazaqstan, Qyrǵyzstan jáne Túrkııanyń Bilim mınıstrlikteri bekitse bolǵany. Aldaǵy jyldan bastap mektep baǵadrlamasyna engiziledi dep kútip otyrmyz. Oqýlyq ejelgi dáýirden bastap 15-shi ǵasyrǵa deıingi kezeńdi qamtıdy. Endi aldymyzda 15-shi ǵasyrdan bastap, kúni búginge deıingi kezeńdi qamtıtyn tarıh oqýlyǵyn jazý mindeti tur, - dedi D. Qydyráli.
Aıta ketelik, túrkitildes elderdiń basshylary 2012 jyly Bishkekte ótken Túrki Keńesiniń II sammıtinde «Túrki tarıhy» pánin orta mektepterde oqytý boıynsha ortaq sheshimge kelgen bolatyn.
Oqýlyq Ázerbaıjan, Qazaqstan, Qyrǵyzstan jáne Túrkııanyń orta bilim beretin mekemeleriniń oqý baǵdarlamasyna kómekshi oqý quraly retinde engiziledi.
