Ortaq tańdaý mozaıkasy: Abaı oblysynyń jastary Quryltaı saılaýyn eske saldy
SEMEI. KAZINFORM – Abaı oblysynda aldaǵy Quryltaı depýtattaryn saılaýǵa arnalǵan shyǵarmashylyq, sporttyq oıyndar men komandalyq is-sharalar uıymdastyryldy. Erekshe formatta ótken sharaǵa 300-ge jýyq adam qatysty, dep habarlaıdy ÓKQ.
Dástúrli kezdesýdiń ornyna qatysýshylarǵa ınteraktıvti format usynyldy. Olar baıandamalardy jaı ǵana tyńdap qoımaı, baǵdarlamaǵa belsendi aralasty. Jastar sporttyq oıyndarda baq synap, komandalyq tapsyrmalardy oryndap, shyǵarmashylyq alańdarǵa qatysty.
Mundaı format aldaǵy saılaý týraly aqparatty jastarǵa túsinikti ári qyzyqty túrde jetkizýge múmkindik berdi.
Іs-sharanyń negizgi bóligi úlken birlesken kompozıtsııa jasaýǵa arnaldy. Ár qatysýshy onyń jeke bóligin salyp, keıin barlyq sýret bir kompozıtsııaǵa biriktirildi.
– Birtindep ondaǵan jeke jumystan Quryltaı depýtattaryn saılaýǵa arnalǵan birtutas kartına quraldy. Bul ıdeıa aldaǵy daýys berýdiń mánin aıshyqtady: árbir bólik ortaq kompozıtsııany tolyqtyratyny sekildi, ár azamattyń daýysy da jalpy tańdaýdyń bir bólshegine aınalady, – deıdi uıymdastyrýshylar.
Shyǵarmashylyq arqyly Abaı oblysynyń jastary mańyzdy kúndi eske salyp, ár adamnyń qatysýy ortaq nátıjege áser etetinin kórsetti.
