Ortaq oqýlyqty mınıstrlik aıqyndaıdy
ASTANA. QazAqparat - 2017 jyldyń 1 qańtarynan bastap bastaýysh synyptar úshin biryńǵaı bazalyq oqýlyqty ýákiletti organ - Bilim jáne ǵylym mınıstrligi aıqyndaıdy jáne bekitedi,- dep málimdedi Bilim jáne ǵylym mınıstri Aslan Sárinjipov 7 qazanda Májilis depýtattary «QR-nyń keıbir zańnamalyq aktilerine bilim berý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda maquldaǵannan keıin.
Mınıstr óz sózinde memlekettik komıssııa árbir pán boıynsha ortaq oqýlyqty tańdaı alatynyn, ol elimiz úshin biryńǵaı oqýlyq bolyp sanalatynyn habarlady. Ýákiletti organ otandyq baspalar shyǵarǵan oqýlyqtardyń ishinen eń úzdigin tańdap alady. Qalǵan oqýlyqtardy muǵalimder men ata-analar, mektepter ózderiniń qalaýy boıynsha qosymsha oqýlyq esebinde paıdalanady.
Osy zań jobasyna bilim berý máseleleri keńinen talqylanǵan Parlamenttik tyńdaýdyń, Úkimet saǵattarynyń usynystary baılanysty normalar da engizildi. Tarqatyp aıtsaq, 2017 jyldyń 1 qańtarynan bastap - bastaýysh synyptar úshin; 2020 jyldyń 1 qańtarynan bastap - negizgi orta bilim berý uıymdary úshin; 2022 jyldyń 1 qańtarynan bastap - jalpy orta bilim berý uıymdary úshin biryńǵaı bazalyq oqýlyqty aıqyndaý jáne bekitý Bilim jáne ǵylym mınıstrliginiń quzyretine beriledi. Zań jobasy arqyly engizilgen ózgeristerdi túsindirgen Májilis depýtaty Gúlmıra Isımbaeva oqýshylardy oqýlyqtarmen jáne oqý-ádistemelik keshendermen der ýaqytynda qamtamasyz etý maqsatynda naqty merzim belgilengenin habarlady. Budan bylaı oqýlyqtar men oqý-ádistemelik keshender jyl saıyn 1 tamyzǵa deıin satyp alanyp, bilim berý uıymdaryna jetkizilýge mindetti.
Depýtattar zańdyq qujatta pedagog mamandardy jumysqa qabyldaý kezindegi qoıylatyn negizgi talaptardy naqtylaǵan. Máselen, medıtsınalyq qarsy kórsetilimi bar, psıhıatrııalyq jáne narkologııalyq dıspanserde esepte turatyn adamdar pedagogtyq qyzzmetpen aınalysýǵa jiberilmeıdi. Sonymen qatar, mektepke deıingi bilim beretin jáne orta bilim beretin uıymdarda tárbıelenip jáne bilim alyp jatqan balalardy tamaqtandyrýdy uıymdastyrý kezinde kórsetiletin qyzmetterdi, taýarlardy «Memlekettik satyp alý týraly» zańnyń normalaryn qoldanbaı satyp alý týraly norma engizilgen.
Aslan Sárinjipov otandyq bilim berý salasyna engiziletinin eki ózgeristi atap aıtty. Birinshiden, myńdaǵan jastardy mamandyqpen qamtamasyz etý maqsatynda alǵashqy tehnıkalyq jáne kásiptik bilim tegin beriledi. ıAǵnı, 9-shi jáne 11-shi synyptyń túlekteri kolledjge túsip, birinshi mamandyǵyn memleket esebinen tegin ala alady. Sondaı-aq, orta bilim alǵannan keıin bilim berý uıymdarynda jumys istep, eńbek ótilin jınaǵandar, tehnıkalyq jáne kásiptik kolledjderdi bitirgender joǵary oqý oryndaryna túsetine kezde basym quqyqqa ıe bolady. Ekinshiden, «dýaldy oqytý» degen uǵym zańdy turǵydan bekitiledi. Dýaldy oqytý nysany boıynsha bilim berý baǵdarlamasy úshin kásiporynda iske asyrylatyn oqý úderisiniń úlesi óndiristik oqytý men praktıkanyń 60 paıyzynan kem bolmaýy tıis dep belgilengen. Mınıstrdiń pikirinshe, mundaı ózgeris arnaıy tehnıkalyq bilim berý júıesin qarqyndy damytýǵa septigin tıgizedi.
