«Ortaq maqsat, oryndy tilekter toǵysty» - respýblıkalyq basylymdarǵa sholý
***
Keshe Astanadaǵy Táýelsizdik saraıynda Dúnıejúzi qazaqtarynyń IV quryltaıy Elbasy Nursultan Nazarbaevtyń qatysýymen saltanatty túrde ashyldy. Osyǵan oraı «Egemen Qazaqstan» gazetiniń búgingi sanynda «Ortaq maqsat, oryndy tilekter toǵysty» degen taqyryppen maqala jarııalandy. «Bul Quryltaıǵa álemniń 35 elinde turatyn qandastarymyzdyń arasynan 400-ge jýyq ókilder kelgen eken. Al Astana men oblystardan kelgen qonaqtardyń bárin qosqanda, delegattar sany 700-ge jýyq boldy. 4-shi quryltaıdyń erekshe mańyzy sol - ol Qazaqstan Táýelsizdiginiń 20 jyldyǵy qarsańynda bolyp otyrǵan asa iri, ulan-asyr ulttyq shara boldy. Jınalǵan halyqtyń báriniń de júzi jarqyn, bir-birimen qýanyshty kóńilmen qaýyshýda. Aınalańnyń bárinen tek qazaq tili ǵana estilgenin kórý de bir mártebe eken. Osynyń ózi-aq kóńildi kók aspanǵa kótergendeı. Bul da bizdiń Táýelsizdigimizdiń uly jetistikteriniń biri», - delingen maqalada. Quryltaıda kóterilgen ózekti máseleler týraly atalmysh maqaladan egjeı-tegjeıli bile alasyzdar
«Egemen Qazaqstan» gazetiniń jazýynsha, 24 mamyrda elimizdiń belgili memleket qaıratkeri, Parlament Senatynyń burynǵy tóraǵasy, qazirgi tańda BUU Bas hatshysynyń orynbasary, Jenevadaǵy Eýropa bólimshesiniń Bas dırektory Qasym-Jomart Toqaev Qarýsyzdaný konferentsııasynyń Bas hatshysy - BUU Bas hatshysynyń Qarýsyzdaný konferentsııasyndaǵy Jeke ókili qyzmetine resmı túrde kiristi. «Qarýsyzdaný konferentsııasynyń qalyptasqan erejesine sáıkes atalǵan jaýapty qyzmetke BUU Bas hatshysynyń usynysy negizinde jáne Qarýsyzdaný konferentsııasy músheleriniń tolyq qoldaýymen taǵaıyndalatyny belgili», dep jazady basylym.
***
«Buǵan deıin el basshylyǵynyń «ondaı bolmaıtyndyǵyna» sendirip baqqandyǵyna qaramastan, seısenbi kúni Belorýssııada devalvatsııa jasaldy: kezinde «zaıchıktiń» ornyn basqan jergilikti rýbl bir-aq túnde eldi esten tandyrarlyqtaı kúrt qunsyzdanyp, dollarǵa qatysty 56 paıyzdan artyq arzandaǵan! Osy oqıǵanyń qarsańynda «batko» Qazaqstanǵa ushyp ketti. Osy sapary barysynda Belarýs prezıdenti A.Lýkashenko eldegi tıisti qurylymdyq reformalardy sonaý 90-jyldardyń basynda-aq júrgizgen Elbasynyń aqyl-keńesin tyńdap, Qazaqstannyń jaǵdaıymen úsh kún boıy jata-jastana tanysqan desedi», - dep jazady «Aıqyn» gazeti. Mártebeli meımannyń elimizge jasaǵan sapary jaıynda tolyǵyraq «Maǵan Qazaqstan Prezıdentiniń usynysy unaıdy» degen maqaladan bile alasyzdar.
***
Halyq qalaýlylary Dúnıejúzi qazaqtary quryltaıy qarsańynda erekshe syı jasady. Keshe Parlament májilisiniń jalpy otyrsynda kópten beri qoǵamnyń nazaryn ózine aýdaryp kele jatqan «Halyqtyń kóshi-qony týraly» Zań jobasy ekinshi oqylymda maquldandy. Tórtkúl dúnıeniń túpkirine jaıylǵan Alash balasynyń basy qosylǵan jıynnan kóńildi oralǵan depýtattar zań jobasyn eshqandaı ý-shýsyz qabyldap jiberdi. Osy jaıt arqaý bolǵan maqala «Alash aınasy» gazetiniń beısenbilik sanynda «Kóshi-qon týraly» Zań jobasy qabyldandy» degen taqyryppen berildi.
Osy basylymnyń turaqty «Dat!» aıdarynda aýyl sharýashylyǵy ǵylymynyń kandıdaty Qadyrbaı Tájıevpen aradaǵy suhbat «2015 jyldarǵa qaraı Qazaqstan úshin astyq eksportynan et eksporty tıimdirek bolady» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol: «Qazaqty jalqaý, enjar degenge men kelispeımin. Eger qazaq jalqaý, enjar bolatyn bolsa, eýropalyqtardan 80 ese artyq kúsh jumsap, tirshilik keshýden áldeqashan túńilip keter edi. Sondyqtan bizdiń halyqtyń ózge eldermen básekege qabiletti bolýǵa qarymy da, qabileti de jetkilikti», - deıdi.
***
«Aqordada Memleket basshysy Nursultan Nazarbaevtyń tóraǵalyǵymen respýblıkanyń Qaýipsizdik Keńesiniń kezekti otyrysy ótti», - dep jazady «Kazahstanskaıa pravda» gazeti. Basylymnyń atap ótýinshe, otyrysta elimizdiń aqparattyq qaýipsizdigin qamtamasyz etý men qylmystyq-atqarý júıesin damytý máseleleri qaraldy. Sondaı-aq jekelegen memlekettik organdardyń jetekshileriniń ulttyq qaýipsizdiktiń osy mańyzdy salasyn quraıtyn el Prezıdentiniń aktileri men tapsyrmalarynyń oryndalý barysy týraly aqparattary tyńdaldy.
