Túrkııa ortaq álipbı máselesinde alǵashqy qadamdy jasap jatyr – Erdoǵan

ASTANA.KAZINFORM – Túrkııa prezıdenti Rejep Taıyp Erdoǵan Gabalada ótip jatqan Túrki memleketteri uıymyna múshe memleketter basshylary keńesiniń XII sammıtinde sóılegen sózinde Ankara ortaq túrki álipbıin engizý jolynda alǵashqy praktıkalyq qadam jasap jatqanyn málimdedi, dep habarlaıdy Kazinform agenttiginiń menshikti tilshisi.

– Túrkııa ortaq álipbı máselesinde alǵashqy qadam jasap jatyr. Biz Shyńǵys Aıtmatov pen Oǵyznama týraly birtutas álipbıde basylǵan shyǵarma shyǵardyq. Búginde bul kitaptar mádenı birliktiń sımvoly retinde elderimizdiń basshylaryna syıǵa tartyldy, - dedi Erdoǵan.

Túrik basshysy birtutas jazý túrki halyqtary arasyndaǵy rýhanı baılanysty nyǵaıtýdyń mańyzdy elementi bolatynyn atap ótti.

Ol sondaı-aq yntymaqtastyqty nyǵaıtý jáne ortaq aqparattyq keńistik qurý maqsatynda aldaǵy qańtarda Ankarada túrki medıa qoǵamdastyǵynyń forýmyn ótkizý josparyn jarııalady.

Sonymen qatar Túrkııa basshysynyń aıtýynsha, Túrkııa Samarqandta ótetin ıÝNESKO-nyń 43-shi Bas konferentsııasynda 15 jeltoqsandy Túrkitildes tilder kúni dep jarııalaýdy usynady.

– Bul túrki tilderiniń tarıhı-mádenı rólin jáne rýhanı birlikke umtylýymyzdy kórsetedi, - dedi Erdoǵan.

Buǵan deıin sammıtte sóz sóılegen Qazaqstan prezıdenti Qasym-Jomart Toqaev biriktirilgen aýmaqtyq qaýymdastyqtar aıasynda Kıberqaýipsizdik keńesin qurýdy usynǵanyn habarlaǵan edik.