Ortaǵasyrlyq Saýran qalashyǵynda tuńǵysh ret ekspedıtsııalyq festıval ótedi
TÚRKІSTAN. QazAqparat - Túrkistandaǵy Saýran qalashyǵy mańynda tuńǵysh ret «THE SOUL OF NOMADS» festıvali ótedi. Jeti kúnge josparlanǵan festıval barysynda tarıhy tereń Túrkistan men Saýran jaıly mol maǵlumattar berýge arnalǵan kóptegen sharalar qolǵa alynbaq, dep habarlaıdy QazAqparat tilshisi.
Qazaqstandyq jáne sheteldik ánshilerdiń qatysýymen ótetin shara HІІІ-HVІІІ ǵasyrlarǵa tán Saýran qalashyǵyn nasıhatta men onda týrısterdi kóptep tartýǵa yqpal etý maqsatynda uıymdastyrmaq. «Áziret Sultan» memlekettik tarıhı-mádenı qoryq-mýzeıine qarasty qalashyqta ótetin aýqymdy festıvaldi ótkizýdi «NOMAD» týrıstik ekspedıtsııasy qolǵa alyp otyr. «Ońtústik ańyzdary» jobasy aıasynda uıymdastyrylatyn ekspedıtsııalyq festıvaldiń gala-kontserti 25-26 sáýirge josparlanyp otyr. Ony tamashalaýǵa 5 myńǵa tarta kórermen shaqyrylmaq. Sharany uıymdastyrýshylardyń aıtýynsha, sahna Saýran qalashyǵy beınesinde jasalynady. Ekspedıtsııalyq kontserttiń tartýy retinde tarıhı qalashyq mańyna júrginshi joldar men myńdaǵan tal kóshetteri otyrǵyzylmaq. Al, kontsert alańynyń qurylysyn «BI Group» qurylys kompanııasy júrgizedi dep kútilýde.
Aıta keteıik, ortaǵasyrlyq Saýran qalasy Túrkistan qalasynan soltústik-batysqa qaraı 46 shaqyrym jerde ornalasqan. Saýran qalashyǵy - Respýblıkalyq mańyzy bar eskertkish sanalady. Qazirgi tańda tarıhı qala qorǵan qamalmen qorshalǵan. Qalanyń qaqpalary men buryshtaryna 7 qorǵanys munarasy turǵyzylǵan, qamalynyń uzyndyǵy - 2 360 metrdi quraıdy. Qamaldyń syrtynda tereńdigi 1-3 metr, eni 15-20 metr bolatyn or izderi saqtalǵan.
