Orta, tehnıkalyq jáne kásiptik bilim berý júıesinde jan basyna qarjylandyrý ádisi engiziledi

Bul týraly búgin Astanadaǵy «Bilim berý júıesin jańǵyrtý - adamı kapıtaldyń sapaly ósýiniń basty baǵyty» respýblıkalyq pedagogıkalyq tamyz konferentsııasynda  Bilim jáne ǵylym mınıstri Baqytjan Jumaǵulov málim etti.  

«Jańa oqý jylynyń aldynda taǵy bir jańalyqty aıtqym keledi.

2015 jyldan bastap orta, tehnıkalyq jáne kásiptik bilim berý júıesinde jan basyna qarjylandyrý ádisi engiziledi. 
AQSh-tyń, Shvetsııanyń, Kanadanyń, Danııa men basqa da elderdiń tájirıbesi boıynsha júrgizilgen taldaý osy tásildiń tıimdiligin kórsetip otyr»,-dedi mınıstr.

Onyń sózine qaraǵanda, qazirgi ýaqytta Aqmola, Aqtóbe, Shyǵys Qazaqstan, Ońtústik Qazaqstan oblystarynda orta bilimdi jan basyna qarjylandyrý ádisi synaqtan óte bastady.  Tehnıkalyq jáne kásiptik bilim salasy boıynsha Aqmola jáne Pavlodar oblystarynda bastaldy.

«Aqsha oqýshymen birge júredi» formýlasy negizge alyna otyryp, qarjylandyrý erejesi men ádistemesi ázirlendi. 
Negizgi maqsat - mektepti damytý, sapa men básekege qabilettilikti únemi arttyrýdyń naryqtyq   protsesterin yntalandyrý.
San sapaǵa aınalady, óıtkeni oqýshynyń sapaly bilim berý qyzmetin usyný arqyly ǵana qyzyǵýshylyǵyn arttyrýǵa bolady. 
Bilim berý qyzmetine qol jetkizýdi arttyrý úshin memlekettik bilim berý jınaqtaý júıesiniń (MBJJ) mehanızmi ázirlendi. 
Bul júıe árbir azamatqa keleshekte balanyń joǵary oqý ornynda, kolledjde oqýy úshin qarajat jınaýǵa múmkindik beredi»,-dedi B. Jumaǵulov.
Ol aǵymdaǵy jyldyń sońyna deıin engizile bastaıdy.

«Qoǵamda jáne jekelegen BAQ-ta MBJJ-nyń róli týraly túsinispeýshilikter bar ekenin aıta keteıin.  Sondyqtan sizder ony belsendi túrde túsindirýlerińiz qajet. Eshqashan MBJJ-ny memlekettik grant júıesine qarsy qoıýǵa bolmaıdy. Kerisinshe olar júıeli túrde damyp, bilim alýǵa qol jetkizý múmkindigin keńeıtedi»,-dep túıindedi vedomstvo basshysy.