Orta salmaqtaǵy eń úzdik boksshy anyqtaldy

NUR-SULTAN. QazAqparat – Tanymal ınsaıder Maıkl Benson oqyrmandary arasynda saýalnama júrgizip, ár salmaq dárejesindegi qazirgi chempıondardyń úzdigin anyqtaýdy suraǵan, dep habarlaıdy QazAqparat HAA Sports.kz-ke silteme jasap.

Saýalnama nátıjesi boıynsha, orta salmaqtaǵy eń úzdik boksshy dep meksıkalyq Saýl «Kanelo» Alvares tanyldy. Ol qazaqstandyq Gennadıı Golovkın men amerıkalyq boksshylar Demetrıýs Andrade men Djarmalla Charlony artta qaldyrdy. Benson oqyrmandaryna óziniń Twitter-paraqshasynda daýys berýdi usynǵan.

Esterińizge sala keteıik, Golovkın orta salmaqtaǵy IBF tıtýlynyń ıegeri. Qazaqstandyq boksshy ýkraınalyq Sergeı Derevıanchenkomen bolǵan jekpe-jekte tóreshilerdiń biraýyzdy sheshimimen jeńimpaz atanǵan bolatyn.