«Orta salmaqtaǵy alapat kúsh ıesi» GGG týraly jańa vıdeorolık jaryqqa shyqty
ASTANA. QazAqparat - Áleýmettik jelide «Orta salmaqtaǵy alapat kúsh ıesi» degen atpen qazaqstandyq boksshy Gennadıı Golovkın týraly jańa vıdeorolık jaryqqa shyqty, dep habarlaıdy sports.kz.
Esterińizge sala keteıik, Gennadıı Golovkın sońǵy jekpe-jegin 11 qyrkúıekte Londondaǵy 20 myń oryndyq O2 arenasynda ótkizip, óziniń qarsylasyn besinshi raýndta tehnıkalyq nokaýtqa jibergen bolatyn. Aıqasty Brýktiń bapkeri súlgini sharshy alańǵa laqtyryp, toqtatqan edi. Nátıjesinde, bul tartysty dodadan keıin aǵylshyndyq boksshy aýrýhanaǵa jetkizildi. Bul - Brýktyń kásibı rıngte ótkizgen 37 jekpe-jegindegi alǵashqy jeńilisi.
Qazaqstandyq 14-shi ret IBO tıtýlyn, ekinshi márte - IBF jáne birinshi ret WBC-ni qorǵady. Jekpe-jek úshin Golovkın gonorary 3 mln. fýntty qurady. Osymen ol óziniń mansabynda qarsylastaryn 36-shy ret jeńip, burynǵysynsha orta salmaqta WBC,WBA (Super), IBO, IBF nusqalary boıynsha jeńilmegen álem chempıony bolyp sanalady.
