Orta mektepterde qazaq tiliniń oqytylýy 2001 jyldan beri 51 paıyzdan 61 paıyzǵa joǵarylady - Ǵylymı-tájirıbelik konferentsııa
ALMATY. Qyrkúıektiń 30-y. QazAqparat /Erbol Turymbetov/ - Búgin Almatydaǵy «Almaty» qonaqúıinde «Qazaq tili men mádenıeti: problemalary men keleshegi» atty ǵylymı-tájirıbelik konferentsııa bolyp ótti.
Konferentsııany QR-nyń Mádenıet mınıstrliginiń qoldaýymen Qazaqstan gýmanıtarlyq-saıası konıýktýra ortalyǵy uıymdastyryp otyr. Oǵan memlekettik, táýelsiz ǵylymı-zertteý jáne taldaý qurylymdarynyń sarapshylary qatysty. Sonymen birge, basqosýda saıasattanýshylar, ÚEU jáne BAQ ókilderi de boldy. Sharanyń maqsaty - qazaq tiliniń qazirgi jaı-kúıi men ony qoldaný aıasyn keńeıtý, júzege asyrý barysynda paıda bolatyn kedergilerdi talqylaý.
Saıası sheshimder ınstıtýty ujymdyq jobalardy damytý bóliminiń ókili Madına Nurǵalıevanyń aıtýynsha, orta mektepterde qazaq tiliniń oqytylýy 2001jyly 51 paıyzdy qurasa, 2009 jyly ol 61 paıyzǵa jetken. Al orys tili 45 paıyzdan 37 paıyzǵa tómendegen. Joǵary oqý oryndaryndarda 2001 jylǵa qaraǵanda qazaq tiliniń oqytylýy 32 paıyzdan 48-ge ósse, orys tilin oqytý 68 paıyzdan 52-ge qysqarǵan.
Jıyn barysynda qazaq tili men mádenıetiniń jáne ulttyq qundylyqtarynyń qazirgi jáı-kúıi, qoldaný aıasyn keńeıtý múmkindikteri talqylandy. Sonymen qatar, qazaq tildi aqparat keńistigi men onyń damý joldary qarastyryldy.
