Orta dáliz jobasy boıynsha birlese jumys isteýge daıynbyz — Frenk Brýno

NЬıÝ-IORK. KAZINFORM — Cerberus Capital Management kompanııasynyń bas atqarýshy dırektory Frenk Brýno Memleket basshysymen kezdeskende Orta dáliz jobasy boıynsha birlese jumys isteýge daıyn ekenin aıtty. 

— Búgin Prezıdentpen jáne onyń komandasymen óte jemisti kezdesý ótkizdik. Ol bizge Qazaqstan ekonomıkasyna qatysty kózqarasyn jetkizip, Ádiletti Qazaqstan tujyrymdamasy týraly aıtty. Sonymen qatar Prezıdent jasandy ıntelekt, atom energetıkasy jáne el ekonomıkasyn odan ári jandandyrý jaıyndaǵy oıymen bólisti. Cerberus kompanııasynyń bul salada tájirıbesi mol. Osyǵan oraı Orta dáliz jobasy boıynsha birlese jumys isteýdi usynamyz. Sondaı-aq energetıka, tranzıt, telekommýnıkatsııa, jasandy ıntellekt jáne basqa da mańyzdy salalarǵa basymdyq beremiz. Bul qadamdar Qazaqstannyń ekonomıkasyna jáne halyqtyń ál aýqatyn arttyrýǵa septigin tıgizedi, — dedi Cerberus Capital Management kompanııasynyń bas atqarýshy dırektory Frenk Brýno.

Aıta ketelik Memleket basshysy Cerberus Capital Management kompanııasynyń bas atqarýshy dırektory Frenk Brýnony qabyldaǵan edi.