Orta dáliz arqyly júk tasymaldaý kólemi jylyna 10 mln tonnaǵa jetedi — Qýantyrov

ASTANA. KAZINFORM — Orta dáliz arqyly júk tasymaldaý kólemi jylyna 10 mln tonnaǵa jetedi. Bul týraly Astana halyqaralyq forýmynda Syrtqy ister mınıstriniń orynbasary Álibek Qýantyrov aıtty.

— 2024 jyly Orta dáliz arqyly tasymaldanǵan júktiń jalpy kólemi 60 paıyzǵa artty jáne júk aınalymyn jylyna 10 mln tonnaǵa deıin jetkizýdi josparlap otyrmyz. Qytaıdan Ázerbaıjanǵa júk jetkizý buryn 11 kúnge sozylsa, qazir ol ne bári 3 kúndi ǵana quraıdy. Buryndary teńiz arqyly júk tasymaldaýǵa 53 kúnge deıin ýaqyt ketetin. Al qazir Transkaspıı dáliziniń arqasynda atalǵan yqpaldastyqty kúsheıte túsýge, Transeýropalyq jáne Transazııalyq baǵyttardy biriktirýge múmkindigimiz bar. Atalǵan dálizdiń barlyq áleýetin paıdalaný úshin búkil baǵyt boıyndaǵy ınfraqurylymdy jańǵyrttyq, — dedi mınıstr orynbasary.

Sonymen qatar ol Qazaqstan úshin Qorǵasta logıstıkalyq habty damytý strategııalyq mindet ekenin basa aıtty.

— Munan bólek, elimizde logıstıkalyq ortalyqtardy damytýǵa qatysty jospar bar. Bul ınfraqurylymdarmen qatar kedendik qyzmetterdi yqpaldastyrý, tsıfrlandyrý, tsıfrlyq tehnologııalardy damytýmen baılanysty. Olar kóptegen jumys ornyn ashýǵa múmkindik beredi, — dedi Álibek Qýantyrov.

Aıta keteıik, elordada Astana halyqaralyq forýmy ótip jatyr. Forýmǵa 7 000-nan astam qatysýshy tirkelgen. Eýropa, Ortalyq Azııa, Taıaý Shyǵys pen Afrıka elinen BUU, AAU, HKU jáne DZMU sııaqty jetekshi halyqaralyq uıymdardyń atynan 160-tan astam spıker shaqyrylǵan. 

Іs-sharany ashqan Qasym-Jomart Toqaev elimiz SryptoCity dep atalatyn jańa pılottyq jobany júzege asyrýdy josparlap otyrǵanyn, Qazaqstan BUU Qaýipsizdik Keńesiniń quramyn keńeıtýdi qoldaıtynyn aıtty.