Orta bilim týraly attestattardy tsıfrlandyrý 2027 jylǵa deıin aıaqtalady
ASTANA. KAZINFORM – Bilim berý salasyn tsıfrlandyrý jumysy belsendi túrde jalǵasyp jatyr. Bıyl alǵash ret negizgi orta jáne jalpy orta bilim týraly attestattar eGovMobile mobıldi qosymshasy arqyly tsıfrlyq formatta qoljetimdi boldy. Bul týraly QR Oqý-aǵartý mınıstrligi málim etti.
Qazirgi ýaqytta mobıldi qosymshada bıylǵy jylǵy túlekterdiń attestattary qoljetimdi.
Aldyńǵy jyldardaǵy túlekterdiń attestattaryn tolyq tsıfrlandyrý 2027 jylǵa deıin kezeń-kezeńmen júrgiziledi:
2024 jyly – osy jyldyń túlekteriniń attestattary;
2025 jyly – 2010-2023 jyldardaǵy túlekterdiń attestattary;
2026 jyly – 1991-2009 jyldardaǵy túlekterdiń attestattary;
2025 jylǵy 1 qańtardan bastap suranys boıynsha 1991 jylǵa deıin berilgen attestattar tsıfrlyq formata qoljetimdi bolady.
Sonymen qatar tehnıkalyq jáne kásiptik bilim berý dıplomdaryn tsıfrlandyrý jalǵasýda:
2024 jyly – 2004-2023 jyldary berilgen dıplomdar;
2025-2026 jyldary – 2004 jylǵa deıin berilgen dıplomdar tsıfrlandyrylady.
Bul túlekter men olardyń otbasylaryna qolaıly jaǵdaı jasaý jáne bilim berý qujattaryna qoljetimdilikti ońaılatýǵa baǵyttalǵan qadam.
