Orta bıznes iri kásiporyndarmen tyǵyz jumys isteýi kerek — Prezıdent
ASTANA. KAZINFORM — Memleket basshysy Qasym-Jomart Toqaev el halqyna Joldaýynda shaǵyn jáne orta bıznes týraly pikirin aıtty.
Prezıdenttiń aıtýynsha, qazir onyń jalpy ishki ónimdegi úlesi 40 paıyzǵa jetti, al negizgi kapıtalǵa tartylǵan ınvestıtsııadaǵy úlesi 70 paıyzǵa jaqyndap kele jatyr.
— Shaǵyn bıznestiń mańyzdylyǵy bárimizge belgili, ol kóptegen elde ekonomıkanyń qozǵaýshy kúshi sanalady. Búginde bul saladaǵy kásipkerlerdiń úshten birinen astamy saýdamen aınalysady. Sol sebepti shaǵyn bıznes qurylymyn ártaraptandyrýǵa basa mán berý qajet dep únemi aıtyp júrmiz, — dep atap ótti Memleket basshysy.
Sonymen qatar Úkimettiń aldynda orta bıznesti damytý jóninde arnaıy jospar ázirleý mindeti tur.
— Qujatta kásiporyndardy uzaqmerzimdi karjylandyrý ári tehnologııalyq turǵydan jańǵyrtý tetikteri kórsetilýi qajet. Orta bıznes ókilderiniń iri kásiporyndarmen tyǵyz jumys istep, olarǵa óz ónimderin ótkizýine jaǵdaı jasaý kerek, — dedi Qasym-Jomart Toqaev.
Buǵan deıin Prezıdent sharýalardy ınvestıtsııalaıtyn pármendi tásil engizýdi tapsyrǵan edi.
Ol Balqash AES qurylysyn keler jyly bastaýdy usyndy.
Sondaı-aq Qasym-Jomart Toqaev Qazaqstannyń tranzıttik áleýetin synǵa aldy.
