Orta bilim berý uıymdarynda tamaqtandyrý sapasy artatyn bolady - QR BǴM
ASTANA. QazAqparat - Aldaǵy ýaqytta elimizdegi orta bilim berý uıymdaryndaǵy bilim alýshylardy tamaqtandyrý sapasy artatyn bolady.
Bul týraly búgin Astanada ótken baspasóz máslıhatynda Bilim jáne ǵylym mınıstriniń orynbasary Esenǵazy Imanǵalıev málim etti.
Onyń aıtýynsha, jańadan engizilgen qaǵıdalar men erejeler boıynsha birinshi kezekte tamaqtyń sapasyna basa kóńil bólinedi.
«Buryn balalardy tamaqtandyrýdy uıymdastyrý boıynsha kórsetiletin qyzmetterdi berýshiler usynylǵan baǵanyń arzandyǵy boıynsha tańdalatyn. ıAǵnı, tenderde arzan baǵa usynǵany jeńiske jetetin. Al qazir baıqaýǵa qatysatyn uıymdardyń tamaqtandyrý salasynda tájirıbesi, sapa sertıfıkaty, avtokólikteri jáne eń bastysy, bilikti mamandary bolýy shart» - dedi óz sózinde Esenǵazy Imanǵalıev.
Sonymen qatar endi qyzmet kórsetýshilerdi mektepter ózderi tańdaıdy. Atap aıtqanda, mektepterde arnaıy komıssııa qurylady. Bes adamnan turatyn komıssııa quramyna ata-analar men qoǵamdyq uıymdardyń músheleri enedi.
Esterińizge sala keteıik, 2014 jyldyń 29 qańtarynda «Qazaqstan Respýblıkasynyń keıbir zańnamalyq aktilerine memlekettik satyp alý máseleleri boıynsha ózgerister men tolyqtyrýlar engizý týraly» QR Zańy kúshine engen bolatyn.
Soǵan sáıkes, osy zań aıasynda «Bilim týraly» QR Zańynyń 8 babyna orta bilim bilim berý uıymdarynda bilim alýshylardy tamaqtandyrýdy uıymdastyrý boıynsha kórsetiletin qyzmetterdi berýshilerdi tańdaýda quzyrettiliktiń ózgerýine baılanysty tolyqtyrýlar engizildi.
Sol boıynsha jańa qaǵıdalar, talaptar ázirlendi. Ol 2014 jyldyń 1 maýsymynda kúshine enedi.
