Órt júıeleri baqylaýyna kóshýi qajet - Almaty qalasynyń tótenshe jaǵdaılarmen kúresý departamenti
MATY. 16 tamyz. QazAqparat /Názıra Eleýhan/ - Almaty qalasynyń ákimshilik jáne sharýashylyq obektilerine órt júıeleri baqylaýyn engizý qajet.
Bul týraly Tótenshe jaǵdaılarmen kúresý departamentiniń ókilderi (TJD) búgin Almatyda ótken arnaıy baspasóz máslıhatynda málim etti.
Atalmysh departament ókilderiniń aıtýynsha, baqylaý júıeleri órttiń paıda bolýyna sebep bolyp keletin «adam faktoryn» meılinshe azaıtýǵa jáne dabyl obektisinen dybystyń jalǵasý ýaqytyn azaıtýǵa, sonymen qatar, ósip kele jatqan ınfraqurylymnyń jaǵdaılarynda qalalyq órtke qarsy qyzmetiniń eleýli jedeldigin arttyrýǵa múmkindik beredi.
Órt júıelerin baqylaý jáne órtke qarsy qaýipsizdik salalarynyń sarapshysy Evgenıı Jýıkonyń aıtýynsha, órt júıeleriniń baqylaýy degenimiz - mamandandyrylǵan jabdyqtaý jınaǵy - órtti erte aıqyndap, órtke qarsy qyzmetiniń basqarý tetigine dybys shyǵaratyn symsyz júıe. «Mundaı júıe táýlik boıy úzdiksiz órt dabylyn baqylaýymen jáne lezde úreıli habarlamalardy Almaty qalasynyń órtke qarsy qyzmetteriniń kezekshi bólimshelerine jetkizýdi qamtamasyz etedi», - deıdi ol.
«Qazirgi kezde sharýashylyq sýbektilerdiń kóbi obektilerde ornatylǵan órt dabylynyń kórsetkishteriniń dybys shyǵarýdyń avtonomdy túrimen ǵana shekteledi. Nemese - balama retinde - ózderiniń basqarý tetikterine dybysty qabyldap, sodan soń Almaty qalasynyń TJD-niń «101» jáne «112» nómirlerine habarlamany qaıtalaıdy. QR «Órt qaýipsizdigi týraly» Zańyna sáıkes órt bólimsheleriniń shyǵýy shartsyz túrde júzege asyrylady. Degenmen, obektilerdiń órt júıesiniń baqylaýy, obektilerdiń ıeleri úshin de, arnaıy qyzmetter úshin de, kómekke shaqyrý dybysynyń jetkizilý ýaqytyn azaıtý máselesin shesher edi», - deıdi Almaty qalasynyń TJD bastyǵynyń orynbasary Aleksandr Kýznetsov.
Almaty qalasynyń «Órt sóndirý jáne apattan qutqarý jumystary qyzmetiniń» memlekettik mekemesi bastyǵynyń orynbasary Valerıı Andrııanovtyń aıtýynsha, kúndelikti órt máselelerimen ushyrasatyn kásipqoılar qyzmettiń jeńil bolyp, al mamandyq nazaryndaǵy obektiler bútin jáne aman bolýyn qalaıdy. «Jańa sapaly eskertý júıelerine kóshý qajettiligin aıta otyra, bizdiń mamandar sheshim qabyldaý ýaqytyn edáýir azaıtýǵa jáne qala ómirin qaýipsiz etýge tyrysýda. Órt júıelerin baqylaý - apatty joıý kezinde qajetti qosymsha ýaqyt úshin kúresý. Órt kezinde múlik órtenbese de, órt óshirilgennen keıin jaramsyz bolyp qalady. Al, órt saldarynan adamnyń qaza bolýy, ol - eń qorqynyshty nárse. Eger, baqylaý júıesi bolsa, mundaı apattardyń múldem bolmaýy múmkin, sebebi qyzmetterdiń jedel kelýge qosymsha ýaqyttary bolady», - dep atap ótti ol.
Órttiń paıda bolý qaýpi - qazirgi qalalarda ózektilerdiń biri bolyp tabylady. 2010 jyldyń ózinde Almatyda 930 órt tirkelse, 2011 jyly 526 iri órtter tirkelgen bolatyn. Qaza tapqandar sany 10 adam, olardyń ekeýi balalar bolǵan edi. Qurbandar sany aldyńǵy jylǵa qaraǵanda 2 ese joǵary. Barlyǵy Almatyda bolǵan órtten 179 adam zardap shekti, olardyń 46-y - balalar.
