Órt sóndirýshilerdiń jalaqysy kóbeıe me – mınıstrdiń jaýaby

ASTANA. KAZINFORM – QR Tótenshe jaǵdaılar mınıstri Shyńǵys Árinov eldegi órt sóndirýshi mamandardyń jalaqysy qalaı kóbeıetinin túsindirdi.

«Búginde órt sóndirýshilerdiń jalaqysy mardymsyz. Bıyl olardyń jalaqysy kóterile me? Oǵan bıýdjetten qansha qarjy qarastyrylǵan? Qazir órt sóndirýshilerdiń ortasha jalaqysy qansha?», - dep suraq qoıdy tilshiler Úkimet úıinde ótken baspasóz máslıhatynda.

Tótenshe jaǵdaı mınıstri 2023 jyly 1 qańtarda órt sóndirýshilerdiń jalaqysy kóterilgenin atap ótti.

«Búginde eń tómengi jalaqy órt sóndirýshi serjantta – 180 myń teńge. Onyń az ekenin moıyndaımyn. Bul másele mınıstrliktiń baqylaýynda. Jalaqyny kóterýge qadam jasap jatyrmyz. Búginde Qazaqstanda 18 myń órt sóndirýshi bar. Olardyń jalaqysyn bir mezgilde kóterý múmkin emes. Bul jumystardy birtindep jasaımyz», - dedi Shyńǵys Árinov.

Buǵan deıin Shyńǵys Árinov Almatydaǵy jer silkinisinen keıin vedomstvo qandaı sharalar qabyldap jatqanyn aıtyp berdi.